شین ڈنڈ ضلعے کے گورنر شکر اللہ شاکر نے بتایا ہے کہ چوکیوں پر تعینات اہلکاروں نے حملہ آوروں کا مقابلہ کیا اور دونوں کے درمیان جھڑپیں کئی گھنٹوں تک جاری رہیں۔

ہرات: طالبان سے لڑائی میں 10 افغان سکیورٹی اہلکار ہلاک

شین ڈنڈ ضلعے کے گورنر شکر اللہ شاکر نے بتایا ہے کہ چوکیوں پر تعینات اہلکاروں نے حملہ آوروں کا مقابلہ کیا اور دونوں کے درمیان جھڑپیں کئی گھنٹوں تک جاری رہیں۔

افغانستان کے مغربی صوبے ہرات میں پولیس اور فوج کی چوکیوں پر طالبان کے حملوں میں نو فوجی اہلکار اور ایک پولیس افسر ہلاک ہوگیا ہے۔

حملے جمعرات اور جمعے کی درمیانی شب ہرات کے ضلعے شین ڈنڈ میں کیے گئے جن میں چار افراد زخمی بھی ہوئے ہیں۔

شین ڈنڈ ضلعے کے گورنر شکر اللہ شاکر نے برطانوی خبر رساں ادارے ‘رائٹرز’ کو بتایا ہے کہ چوکیوں پر تعینات اہلکاروں نے حملہ آوروں کا مقابلہ کیا اور دونوں کے درمیان جھڑپیں کئی گھنٹوں تک جاری رہیں۔

صوبائی پولیس کے سربراہ محمد زمان نے وائس آف امریکہ کو بتایا ہے کہ طالبان کے حملے کے بعد فوری طور پر اضافی نفری علاقے میں پہنچ گئی تھی جب کہ فضائی مدد بھی طلب کرلی گئی تھی جس کے باعث کئی گھنٹوں تک جاری رہنے والی لڑائی کے بعد حملہ آوروں کو بالآخر علاقے سے پسپا کردیا گیا۔

تاحال یہ واضح نہیں کہ فورسز کی جوابی کارروائی میں طالبان کا کتنا جانی نقصان ہوا ہے۔

چند روز قبل شین ڈنڈ میں ہی ہونے والے ایک بم دھماکے میں چار بچوں سمیت چھ افراد ہلاک ہوگئے تھے۔

طالبان نے بدھ کی شب صوبہ غزنی کے ایک ضلعے پر حملہ کرنے کے بعد ضلعی گورنر کو کئی پولیس اور انٹیلی جنس اہلکاروں سمیت قتل کردیا تھا۔

طالبان خواجہ عمری نامی ضلعے کے مرکزی شہر پر کچھ دیر تک قابض رہنے کے بعد پسپا ہوگئے تھے۔

افغانستان میں عموماً موسمِ بہار کے آغاز کے ساتھ ہی طالبان کے حملوں میں شدت آجاتی ہے۔ گرم موسم کے باعث پہاڑوں پر برف پگھلنے سے پہاڑی راستے اور درے کھل جاتے ہیں جس کی وجہ سے طالبان جنگجووں کو نقل و حرکت اور گوریلا کارروائیوں میں آسانی ہوتی ہے۔

رواں سال بھی سرد موسم میں کمی آتے ہی طالبان نے ملک کے مختلف حصوں میں کئی بڑے حملے کیے ہیں جن میں اب تک درجنوں افراد مارے جاچکے ہیں۔

اقوامِ متحدہ نے خبردار کیا ہے کہ افغانستان میں رواں سال کےا بتدائی تین ماہ کے دوران دہشت گرد حملوں میں ہلاک ہونے والے عام افغان شہریوں کی تعداد گزشتہ سال کی پہلی سہ ماہی میں مرنے والوں کے برابر ہے جس سے ظاہر ہوتا ہے کہ صورتِ حال میں بہتری نہیں آئی ہے۔

x

Check Also

ورلڈ کپ فٹ بال: میکسیکو نے جرمنی کو ہرا کر بڑا اپ سیٹ کر دیا

فیفا فٹ بال ورلڈ کپ کے ایک اہم مقابلے میں میکسیکو نے دفاعی چیمپین جرمنی کو صفر کے مقابلے میں ایک گول سے ہرا کر ٹورنمنٹ کا بڑا اپ سیٹ کر دیا ہے۔ میچ کے دوران میکسیکو کی ٹیم نے مسلسل جارحانہ کھیل کا مظاہرہ کیا ۔ میکسیکو کی ٹیم کی خاصیت جوابی حملوں میں اس کے کھلاڑیوں کی چستی اور برق رفتاری تھی۔ میکسیکو کے لوزانو، ہیویئر  ہرنینڈس اور کارلوس ویلا نے انتہائی مربوط انداز میں ایک دوسرے کو پاس دے کر جارحانہ حملے کرنے کا سلسلہ جاری رکھا اور جرمن ٹیم کے مشہور فارورڈ جوشووا کیمیچ کو مکمل طور پر بے اثر کئے رکھا۔ اگرچہ زیادہ وقت بال جرمن کھلاڑیوں کے پاس رہا، تاہم میکسیکو کے کھلاڑیوں نے حاضر دماغی سے چالیں چلتے ہوئے دفاعی چیمپین کو گھٹنے ٹیکنے پر مجبور کر دیا اور کھیل کے 35 ویں منٹ میں لوزانو نے گول کر کے میکسیکو کو ایک گول کی برتری دلا دی جو آخر تک قائم رہی۔ آج ایک اور اہم میچ میں سوٹزرلینڈ اور برازیل کے درمیان مقابلہ ایک ایک گول سے برابر رہا۔ میچ سے قبل توقع تھی کہ پانچ بار ورلڈ کپ کی فاتح رہنے والی ٹیم برازیل یہ میچ آسانی سے جیت لے گی۔ لیکن سوٹزرلینڈ نے برازیل کو  مزید گول سکور کرنے  کا موقع نہیں دیا۔ اس میچ کے 20 ویں منٹ میں برازیل کے کھلاڑی فلپ کوٹن ہو نے اپنی ٹیم کو برتری دلا دی جو ہاف ٹائم تک برقرار رہی۔ لیکن کھیل کے 50 ویں منٹ میں سوٹزرلینڈ کے کھلاڑی سٹیون زوبر نے ہیڈ کے ذریعے گول کر کے سکور برابر کر دیا۔ فٹبال ورلڈ کپ کا آغاز جمعرات کے روز ماسکو کے لوژنیکی سٹیڈیم میں ہوا اور پہلے میچ میں میزبان ملک روس کی ٹیم نے سعودی عرب کو صفر کے مقابلے میں 5 گول سے ہرا دیا۔ اگلے روز جمعہ کے دن تین میچ کھیلے گئے۔ یوروگوئے نے مصر کو 1-0 اور ایران نے مراکش کو 1-0 ہی کے سکور سے ہرایا جبکہ سپین اور پرتگال کا میچ 3/3 گول سے برابر رہا۔ کل ہفتے کے روز چار میچ کھیلے گئے۔ فرانس نے آسٹریلیا کے خلاف 2-1 سے فتح حاصل کی، آئس لینڈ اور ارجنٹینا کا میچ ایک ایک گول سے برابر رہا، ڈنمارک نے پیرو کو 1-0 سے شکست دی اور کروئشیا نے نائجیریا کو صفر کے مقابلے 2 گول سے ہرا دیا۔ آج اتوار کے روز بھی تین میچ کھیلے گئے۔ پہلے میچ میں سربیا نے کوسٹا ریکا کے خلاف صفر کے مقابلے میں ایک گول سے کامیابی حاصل کی اور دوسرے میچ میں میکسیکو نے دفاعی چیمپین جرمنی کو 1-0 سے ہرا کر بڑا اپ سیٹ کیا۔ آج کا تیسرا میچ برازیل اور سوٹزرلینڈ کے درمیان  ایک ایک گول سے برابر رہا۔ کل پیر کے روز سویڈن کا مقابلہ جنوبی کوریا سے، بیلجیم کا مقابلہ پاناما سے اور تیونس کا مقابلہ انگلینڈ سے ہو گا۔ ورلڈ کپ کا فائنل 15 جولائی کو کھیلا جائے گا۔  

Powered by Dragonballsuper Youtube Download animeshow