موبائل فون کمپنیوں کے ٹاور پر وارننگ لائٹیں نہ ہونے کے باعث کسی بھی وقت کوئی بڑا سانحہ رونما ہونے کا خدشہ

جہلم(چوہدری عابد محمود +راجہ نوبہارخان)موبائل فون کمپنیوں کے ٹاور پر وارننگ لائٹیں نہ ہونے کے باعث کسی بھی وقت کوئی بڑا سانحہ رونما ہونے کا خدشہ۔ موبائل فونز کمپنیوں کے ٹاوروں پر برقی لائٹیں آویزاں کروائی جائیں ، شہری تنظیموں کا مطالبہ ۔ تفصیلات کے مطابق جہلم شہر و گردونواح میں موبائل کمپنیوں کے درجنوں سے زائد ٹاور نصب ہیں ،جہلم شہر عسکری شہر ہونے کیوجہ سے فضائیہ کے طیارے ہیلی کاپٹر وغیرہ دن رات پروازیں کرتے دکھائی دیتے ہیں جس میں تربیتی مشقیں بھی شامل ہوتی ہیں ، جبکہ ان قدآور ٹاورز پر کسی قسم کی برقی لائٹیں نہیں جلائی جاتیں جس سے کسی بھی وقت کوئی بڑا سانحہ رونما ہونے کا خدشہ لاحق ہے ،شہریوں نے ارباب اختیار سے مطالبہ کیاہے کہ جہلم شہر وگردونواح میں نصب موبائل فونز کمپنیوں کے ٹاورز پر برقی لائٹیں نصب کروائی جائیں ۔