فیڈرل بورڈ آف ریونیو کی جانب سے سپریم کورٹ میں جمع کرائی گئی رپورٹ میں مؤقف اختیار کیا گیا ہے کہ پاناما اور دیگر لیکس میں نام آنے والوں کی تحقیقات جاری ہیں۔

بیرون ملک جائیدادیں از خود نوٹس کی سماعت، رپورٹ عدالت میں جمع

سپریم کورٹ کی جانب سے پاکستانیوں کے بیرون ملک اکاؤنٹس اور جائیدادوں پر ازخود نوٹس میں فیڈرل بورڈ آف ریونیو نے اپنا جواب سریم کورٹ میں جمع کرا دیا ہے۔ ایف بی آر نے بیرون ممالک منتقل رقم واپسی پر بے بسی کا اظہار کر دیا ہے۔

فیڈرل بورڈ آف ریونیو کی جانب سے سپریم کورٹ میں جمع کرائی گئی رپورٹ میں مؤقف اختیار کیا گیا ہے کہ پاناما اور دیگر لیکس میں نام آنے والوں کی تحقیقات جاری ہیں۔

رپورٹ میں کہا گیا ہے کہ ادارہ پیشہ ورانہ رویئے اور خلوص نیت سے تحقیقات کر رہا ہے، جبکہ رقم کی واپسی اور مطلوبہ نتائج کی راہ میں قانونی میعاد کی قدغنیں حائل ہیں۔ بیرونی ممالک کے ساتھ معلومات کی فراہمی کا لیگل فریم ورک موجود نہیں۔ قانون میعاد کو قدغن کو قانون مین ترمیم سے دور کیا جاسکتا ہے۔

رپورٹ کے مطابق، لیگل فریم ورک کی رکاوٹ کا دور کرنے کے لئے ایف بی آر معاہدے کر رہا ہے۔ یو اے ای حکام سے 55 پاکستانیوں کی جائیدادوں کی تفصیلات حاصل کر لی گئی ہیں۔

29 پاکستانی ایف بی آر میں سالانہ گوشوارے جمع کرا رہے ہیں، جبکہ 31 میں سے صرف 5 نے متحدہ عرب امارات کی جائیدادوں کو گوشواروں میں ظاہر کیا۔ یو اے ای میں جائیدادیں خریدنے والوں کیخلاف کارروائی شروع کردی گئی ہے۔

ایف بی آر نے بتایا کہ پاناما لیکس میں 444 پاکستانیوں میں 78افراد کے ایڈریس نہیں مل سکے، جبکہ لیکس میں شامل 366 پاکستانیوں کو نوٹسز جاری کئے گئے ہیں۔

ایف بی آر کا کہنا ہے کہ پاناما لیکس میں نام والے 293 افراد میں سے 232 ٹیکس دہندگان ہیں، ٹیکس فائل کرنے والوں نے آف شور کمپنیز میں سرمایہ کاری گوشواروں میں ظاہر نہیں کی اور ٹیکس دہدنگان کی اکثریت نے ہمارے اختیار کو چیلنج کیا ہے۔

رپورٹ میں بتایا گیا ہے کہ پاناما لیکس کے 61 ٹیکس نادہندگان میں سے 47 نے گوشوارے داخل کرا دیئے ہیں، 72 افراد سے آف شور کمپنیز سے تعلق جبکہ 55 نے لاتعلقی کا اظہار کیا ہے۔

رپورٹ میں انکشاف کیا گیا ہے کہ پاناما لیکس میں شامل 12 افراد دنیا میں نہیں رہے، جبکہ اسی لیکس سے متعلق 41 مقدمات زیر التواء ہیں۔

پیراڈائز لیکس سے متعلق رپورٹ میں بتایا گیا ہے کے 38 افراد میں سے 18 ٹیکس دینے والوں میں شامل ہیں۔

20 ٹیکس نادہندگان کو نوٹسز جاری کرکے کارروائی شروع کر چکے ہیں، 20 ٹیکس دینے والوں میں سے9نے ٹیکس گوشوارے داخل کرا دیئے ہیں، چار افراد کو جرمانہ کے نوٹسز جبکہ 2 افراد کو جرمانہ کا حکم ہو چکا ہے۔

سپریم کورٹ نے پاکستانیوں کے بیرون ملک بنک اکاؤنٹس اور املاک کا از خود نوٹس لیا ہوا ہے، عدالت نے مرکزی بنک سمیت متعلقہ اداروں سے ریکارڈ بھی طلب کیا ہوا ہے۔

پاکستانی پارلیمان قومی اسمبلی کی ذیلی کمیٹی نے دبئی میں پاکستانیوں کی جانب سے گزشتہ 4 برسوں میں 8 ارب ڈالر کی جائیداد خریدنے کی تفصیلات بھی متعلقہ اداروں سے طلب کر رکھی ہیں۔

x

Check Also

ورلڈ کپ فٹ بال: میکسیکو نے جرمنی کو ہرا کر بڑا اپ سیٹ کر دیا

فیفا فٹ بال ورلڈ کپ کے ایک اہم مقابلے میں میکسیکو نے دفاعی چیمپین جرمنی کو صفر کے مقابلے میں ایک گول سے ہرا کر ٹورنمنٹ کا بڑا اپ سیٹ کر دیا ہے۔ میچ کے دوران میکسیکو کی ٹیم نے مسلسل جارحانہ کھیل کا مظاہرہ کیا ۔ میکسیکو کی ٹیم کی خاصیت جوابی حملوں میں اس کے کھلاڑیوں کی چستی اور برق رفتاری تھی۔ میکسیکو کے لوزانو، ہیویئر  ہرنینڈس اور کارلوس ویلا نے انتہائی مربوط انداز میں ایک دوسرے کو پاس دے کر جارحانہ حملے کرنے کا سلسلہ جاری رکھا اور جرمن ٹیم کے مشہور فارورڈ جوشووا کیمیچ کو مکمل طور پر بے اثر کئے رکھا۔ اگرچہ زیادہ وقت بال جرمن کھلاڑیوں کے پاس رہا، تاہم میکسیکو کے کھلاڑیوں نے حاضر دماغی سے چالیں چلتے ہوئے دفاعی چیمپین کو گھٹنے ٹیکنے پر مجبور کر دیا اور کھیل کے 35 ویں منٹ میں لوزانو نے گول کر کے میکسیکو کو ایک گول کی برتری دلا دی جو آخر تک قائم رہی۔ آج ایک اور اہم میچ میں سوٹزرلینڈ اور برازیل کے درمیان مقابلہ ایک ایک گول سے برابر رہا۔ میچ سے قبل توقع تھی کہ پانچ بار ورلڈ کپ کی فاتح رہنے والی ٹیم برازیل یہ میچ آسانی سے جیت لے گی۔ لیکن سوٹزرلینڈ نے برازیل کو  مزید گول سکور کرنے  کا موقع نہیں دیا۔ اس میچ کے 20 ویں منٹ میں برازیل کے کھلاڑی فلپ کوٹن ہو نے اپنی ٹیم کو برتری دلا دی جو ہاف ٹائم تک برقرار رہی۔ لیکن کھیل کے 50 ویں منٹ میں سوٹزرلینڈ کے کھلاڑی سٹیون زوبر نے ہیڈ کے ذریعے گول کر کے سکور برابر کر دیا۔ فٹبال ورلڈ کپ کا آغاز جمعرات کے روز ماسکو کے لوژنیکی سٹیڈیم میں ہوا اور پہلے میچ میں میزبان ملک روس کی ٹیم نے سعودی عرب کو صفر کے مقابلے میں 5 گول سے ہرا دیا۔ اگلے روز جمعہ کے دن تین میچ کھیلے گئے۔ یوروگوئے نے مصر کو 1-0 اور ایران نے مراکش کو 1-0 ہی کے سکور سے ہرایا جبکہ سپین اور پرتگال کا میچ 3/3 گول سے برابر رہا۔ کل ہفتے کے روز چار میچ کھیلے گئے۔ فرانس نے آسٹریلیا کے خلاف 2-1 سے فتح حاصل کی، آئس لینڈ اور ارجنٹینا کا میچ ایک ایک گول سے برابر رہا، ڈنمارک نے پیرو کو 1-0 سے شکست دی اور کروئشیا نے نائجیریا کو صفر کے مقابلے 2 گول سے ہرا دیا۔ آج اتوار کے روز بھی تین میچ کھیلے گئے۔ پہلے میچ میں سربیا نے کوسٹا ریکا کے خلاف صفر کے مقابلے میں ایک گول سے کامیابی حاصل کی اور دوسرے میچ میں میکسیکو نے دفاعی چیمپین جرمنی کو 1-0 سے ہرا کر بڑا اپ سیٹ کیا۔ آج کا تیسرا میچ برازیل اور سوٹزرلینڈ کے درمیان  ایک ایک گول سے برابر رہا۔ کل پیر کے روز سویڈن کا مقابلہ جنوبی کوریا سے، بیلجیم کا مقابلہ پاناما سے اور تیونس کا مقابلہ انگلینڈ سے ہو گا۔ ورلڈ کپ کا فائنل 15 جولائی کو کھیلا جائے گا۔  

Powered by Dragonballsuper Youtube Download animeshow