تیسرے ایک روزہ بین الاقوامی کرکٹ میچ میں نیوزی لینڈ نے پاکستان کو 183 رنز سے بدترین شکست دے کر سیریز میں تین۔صفر کی فیصلہ کن برتری حاصل کرلی۔ ڈنیڈن میں نیوزی لینڈ نے پہلے بیٹنگ کرتے ہوئے 257 رنز بنائے جس کے جواب میں پاکستانی ٹیم 28 ویں اوور میں صرف 74 رنز پر ڈھیر ہوگئی۔ اس کے صرف چارکھلاڑی ڈبل فیگر میں اسکور کرسکے۔ پچھلے دو میچز کی طرح ہفتہ کو بھی پاکستان کی بیٹنگ لائن بری طرح ناکام رہی، کیوی بولرزکے سامنے ہربیٹسمین بے بس نظر آرہا تھا اور صرف 15رنز پر آدھی ٹیم پویلین لوٹ چکی تھی۔ آؤٹ ہونے والے کھلاڑیوں میں کوئی بھی ڈبل فیگر میں اسکورنہ بنا سکا۔ اظہرعلی صفر، فخرزمان 2، بابر اعظم 8، محمد حفیظ صفر جبکہ شعیب ملک 3 رنز بنا سکے۔ رومان رئیس نے سب سے زیادہ 16 رنز بنائے جبکہ کپتان سرفراز احمد 14، محمد عامر 14 اورفہیم اشرف نے 10 رنز بنائے۔ ایک موقع پر پاکستان کی آٹھ وکٹیں صرف 32 رنز پر گرچکی تھیں اور ایسا دکھائی دے رہا تھا کہ پاکستانی ٹیم ایک روزہ میچوں کی تاریخ کے سب سے کم (35) رنز بھی نہیں بنا سکے گی لیکن ٹیل اینڈرز نے ایسا ہونے نہیں دیا۔ نیوزی لینڈ کی طرف سے ٹرینٹ بولٹ نے تباہ کن بولنگ کرتے ہوئے صرف 17رنز دے کر پانچ وکٹیں حاصل کیں جبکہ مونرو اور فرگوسن نے دو، دو کھلاڑیوں کو آؤٹ کیا۔ تباہ کن بولنگ پرفارمنس پر ٹرینٹ بولٹ کو مین آف دی میچ قرار دیا گیا۔ اس سے قبل نیوزی لینڈ کی ٹیم ٹاس جیت کر پہلے بیٹنگ کرتے ہوئے مقررہ پچاس اوورز میں 257 رنز بناکر آؤٹ ہوگئی تھی۔ کین ولیم سن 73، راس ٹیلر 52 اور گپٹل 45 رنز بنا کر نمایاں رہے۔ پاکستان کی طرف سے رومان رئیس اور حسن علی نے تین، تین جبکہ شاداب خان نے دو اور فہیم اشرف نے ایک وکٹ حاصل کی۔ سیریز کا چوتھا میچ 16جنوری کو ہملٹن میں کھیلا جائے گا۔

پاکستان کو بدترین شکست، سیریز نیوزی لینڈ کے نام

تیسرے ایک روزہ بین الاقوامی کرکٹ میچ میں نیوزی لینڈ نے پاکستان کو 183 رنز سے بدترین شکست دے کر سیریز میں تین۔صفر کی فیصلہ کن برتری حاصل کرلی۔
ڈنیڈن میں نیوزی لینڈ نے پہلے بیٹنگ کرتے ہوئے 257 رنز بنائے جس کے جواب میں پاکستانی ٹیم 28 ویں اوور میں صرف 74 رنز پر ڈھیر ہوگئی۔ اس کے صرف چارکھلاڑی ڈبل فیگر میں اسکور کرسکے۔

پچھلے دو میچز کی طرح ہفتہ کو بھی پاکستان کی بیٹنگ لائن بری طرح ناکام رہی، کیوی بولرزکے سامنے ہربیٹسمین بے بس نظر آرہا تھا اور صرف 15رنز پر آدھی ٹیم پویلین لوٹ چکی تھی۔ آؤٹ ہونے والے کھلاڑیوں میں کوئی بھی ڈبل فیگر میں اسکورنہ بنا سکا۔ اظہرعلی صفر، فخرزمان 2، بابر اعظم 8، محمد حفیظ صفر جبکہ شعیب ملک 3 رنز بنا سکے۔

رومان رئیس نے سب سے زیادہ 16 رنز بنائے جبکہ کپتان سرفراز احمد 14، محمد عامر 14 اورفہیم اشرف نے 10 رنز بنائے۔

ایک موقع پر پاکستان کی آٹھ وکٹیں صرف 32 رنز پر گرچکی تھیں اور ایسا دکھائی دے رہا تھا کہ پاکستانی ٹیم ایک روزہ میچوں کی تاریخ کے سب سے کم (35) رنز بھی نہیں بنا سکے گی لیکن ٹیل اینڈرز نے ایسا ہونے نہیں دیا۔

نیوزی لینڈ کی طرف سے ٹرینٹ بولٹ نے تباہ کن بولنگ کرتے ہوئے صرف 17رنز دے کر پانچ وکٹیں حاصل کیں جبکہ مونرو اور فرگوسن نے دو، دو کھلاڑیوں کو آؤٹ کیا۔

تباہ کن بولنگ پرفارمنس پر ٹرینٹ بولٹ کو مین آف دی میچ قرار دیا گیا۔

اس سے قبل نیوزی لینڈ کی ٹیم ٹاس جیت کر پہلے بیٹنگ کرتے ہوئے مقررہ پچاس اوورز میں 257 رنز بناکر آؤٹ ہوگئی تھی۔

کین ولیم سن 73، راس ٹیلر 52 اور گپٹل 45 رنز بنا کر نمایاں رہے۔

پاکستان کی طرف سے رومان رئیس اور حسن علی نے تین، تین جبکہ شاداب خان نے دو اور فہیم اشرف نے ایک وکٹ حاصل کی۔

سیریز کا چوتھا میچ 16جنوری کو ہملٹن میں کھیلا جائے گا۔

x

Check Also

ورلڈ کپ فٹ بال: میکسیکو نے جرمنی کو ہرا کر بڑا اپ سیٹ کر دیا

فیفا فٹ بال ورلڈ کپ کے ایک اہم مقابلے میں میکسیکو نے دفاعی چیمپین جرمنی کو صفر کے مقابلے میں ایک گول سے ہرا کر ٹورنمنٹ کا بڑا اپ سیٹ کر دیا ہے۔ میچ کے دوران میکسیکو کی ٹیم نے مسلسل جارحانہ کھیل کا مظاہرہ کیا ۔ میکسیکو کی ٹیم کی خاصیت جوابی حملوں میں اس کے کھلاڑیوں کی چستی اور برق رفتاری تھی۔ میکسیکو کے لوزانو، ہیویئر  ہرنینڈس اور کارلوس ویلا نے انتہائی مربوط انداز میں ایک دوسرے کو پاس دے کر جارحانہ حملے کرنے کا سلسلہ جاری رکھا اور جرمن ٹیم کے مشہور فارورڈ جوشووا کیمیچ کو مکمل طور پر بے اثر کئے رکھا۔ اگرچہ زیادہ وقت بال جرمن کھلاڑیوں کے پاس رہا، تاہم میکسیکو کے کھلاڑیوں نے حاضر دماغی سے چالیں چلتے ہوئے دفاعی چیمپین کو گھٹنے ٹیکنے پر مجبور کر دیا اور کھیل کے 35 ویں منٹ میں لوزانو نے گول کر کے میکسیکو کو ایک گول کی برتری دلا دی جو آخر تک قائم رہی۔ آج ایک اور اہم میچ میں سوٹزرلینڈ اور برازیل کے درمیان مقابلہ ایک ایک گول سے برابر رہا۔ میچ سے قبل توقع تھی کہ پانچ بار ورلڈ کپ کی فاتح رہنے والی ٹیم برازیل یہ میچ آسانی سے جیت لے گی۔ لیکن سوٹزرلینڈ نے برازیل کو  مزید گول سکور کرنے  کا موقع نہیں دیا۔ اس میچ کے 20 ویں منٹ میں برازیل کے کھلاڑی فلپ کوٹن ہو نے اپنی ٹیم کو برتری دلا دی جو ہاف ٹائم تک برقرار رہی۔ لیکن کھیل کے 50 ویں منٹ میں سوٹزرلینڈ کے کھلاڑی سٹیون زوبر نے ہیڈ کے ذریعے گول کر کے سکور برابر کر دیا۔ فٹبال ورلڈ کپ کا آغاز جمعرات کے روز ماسکو کے لوژنیکی سٹیڈیم میں ہوا اور پہلے میچ میں میزبان ملک روس کی ٹیم نے سعودی عرب کو صفر کے مقابلے میں 5 گول سے ہرا دیا۔ اگلے روز جمعہ کے دن تین میچ کھیلے گئے۔ یوروگوئے نے مصر کو 1-0 اور ایران نے مراکش کو 1-0 ہی کے سکور سے ہرایا جبکہ سپین اور پرتگال کا میچ 3/3 گول سے برابر رہا۔ کل ہفتے کے روز چار میچ کھیلے گئے۔ فرانس نے آسٹریلیا کے خلاف 2-1 سے فتح حاصل کی، آئس لینڈ اور ارجنٹینا کا میچ ایک ایک گول سے برابر رہا، ڈنمارک نے پیرو کو 1-0 سے شکست دی اور کروئشیا نے نائجیریا کو صفر کے مقابلے 2 گول سے ہرا دیا۔ آج اتوار کے روز بھی تین میچ کھیلے گئے۔ پہلے میچ میں سربیا نے کوسٹا ریکا کے خلاف صفر کے مقابلے میں ایک گول سے کامیابی حاصل کی اور دوسرے میچ میں میکسیکو نے دفاعی چیمپین جرمنی کو 1-0 سے ہرا کر بڑا اپ سیٹ کیا۔ آج کا تیسرا میچ برازیل اور سوٹزرلینڈ کے درمیان  ایک ایک گول سے برابر رہا۔ کل پیر کے روز سویڈن کا مقابلہ جنوبی کوریا سے، بیلجیم کا مقابلہ پاناما سے اور تیونس کا مقابلہ انگلینڈ سے ہو گا۔ ورلڈ کپ کا فائنل 15 جولائی کو کھیلا جائے گا۔  

Powered by Dragonballsuper Youtube Download animeshow