اعلامیے کے مطابق ٹیم کا انتخاب کھلاڑیوں کی فٹنس اور کارکردگی کو مدِ نظر رکھ کر کیا گیا ہے۔

نیوزی لینڈ کے خلاف ٹی20 اسکواڈ کا اعلان

اعلامیے کے مطابق ٹیم کا انتخاب کھلاڑیوں کی فٹنس اور کارکردگی کو مدِ نظر رکھ کر کیا گیا ہے۔

پاکستان کرکٹ بورڈ (پی سی بی) نے نیوزی لینڈ کے خلاف ٹوئنٹی20 سیریز کے لیے 15 رکنی دستے کا اعلان کردیا ہے۔

سیریز کے لیے کپتان اور وکٹ کیپر سرفراز احمد ہوں گے جبکہ دیگر کھلاڑیوں میں فخر زمان، احمد شہزاد، بابر اعظم، شعیب ملک، حارث سہیل، محمد حفیظ، محمد نواز، شاداب خان، فہیم اشرف، عامر یامین، محمد عامر، حسن علی، رومان رئیس اور عمر یامین شامل ہیں۔

پی سی بی کی جانب سے جاری اعلامیے کے مطابق ٹی ٹوئنٹی کرکٹ سیریز کے لیے ٹیم کا انتخاب انضمام الحق کی سربراہی میں قائم نیشنل سلیکشن کمیٹی نے کپتان سرفراز احمد اور قومی ٹیم کے ہیڈ کوچ مکی آرتھر سے مشاورت سے کیا ہے۔

اعلامیے کے مطابق ٹیم کا انتخاب کھلاڑیوں کی فٹنس اور کارکردگی کو مدِ نظر رکھ کر کیا گیا ہے۔

ٹیم کے انتخاب پر سلیکشن کمیٹی کے سربراہ انضمام الحق نے کہا ہے کہ عماد وسیم گھٹنے کی تکلیف میں مبتلا ہیں اور مکمل طور پر فٹ نہیں ہیں، اس لیے ان کی جگہ پر محمد نواز کو ٹی ٹوئنٹی اسکواڈ میں شامل کیا گیا ہے جبکہ صہیب مقصود کو کمر کی تکلیف کے باعث ٹیم میں شامل نہیں کیا گیا۔

پاکستان کی کرکٹ ٹیم نیوزی لینڈ کے خلاف تین ٹی ٹوئنٹی میچوں کی سیریز 22 جنوری سے 28 جنوری سنہ تک نیوزی لینڈ میں کھیلے گی۔

x

Check Also

پاکستان میں خواتین صحافیوں کی آن لائین ٹرولنگ اور اس کے آزادی اظہار پر اثرات

’’میرے ساتھ ایسے واقعات 2012 سے ہو رہے ہیں جب پاکستان سائبر فورس نام کے فیس بک اکاؤنٹ نے میرے گھر والوں کا نام، میری ساری نجی معلومات فیس بک پر ڈال دی تھیں اور اور شوٹ ایٹ سائٹ کا مطالبہ لکھ دیا‘‘

Powered by Dragonballsuper Youtube Download animeshow