پاکستان تحریک انصاف کے سربراہ عمران خان کے دورہ جہلم کی جھلکیاں

 

جہلم (جھلکیاں چوہدری عابد محمود+ عامرکیانی ) پاکستان تحریک انصاف کے سربراہ عمران خان کا دورہ جہلم۔
*عمران خان سہ پہر ساڑھے 4 بجے بذریعہ جی ٹی روڈ لدھڑ پہنچے۔
*عمران خان کا قافلہ جونہی لدھڑ ہاؤس داخل ہوا تو ورکروں کی کثیر تعداد نے پھولوں کی پتیاں نچھاور کرکے ان کا استقبال کیا۔
*تحصیل لدھڑ ہاوس پہنچنے پر سابق ضلع ناظم چوہدری فرخ الطاف ، مرکزی ترجمان تحریک انصاف چوہدری فواد حسین، چوہدر ی فوق شیر باز، سمیت سینکڑوں کارکنوں نے چیئرمین پی ٹی آئی کا پرتپاک استقبا ل کیااور پھولوں کی پتیاں نچھاور کیں۔
*عمران خان سابق ضلع ناظم چوہدری فرخ الطاف کی آبائی رہائش گاہ لدھڑ گئے۔جہاں چوہدری فرخ الطاف نے تحریک انصاف میں باضابطہ شمولیت کا اعلان کیا۔
*لدھڑ ہاوس سے عمران خان قافلے کی شکل میں جلسہ گاہ ہاکی گراونڈ دینہ پہنچے جہاں سینکڑوں کارکنوں نے اپنے قائد کا شاندار استقبال کیا ۔
*جہلم ، دینہ ، منگلا ، میر پور، سوہاوہ ، پنڈدادن خان سے تحریک انصاف کے رہنما قافلوں کی صورت میں لدھڑ پہنچے۔
*عمران خان کی ایک جھلک دیکھنے کیلئے ہزاروں افراد مکانوں ، پلازوں کی چھتوں پر موجود تھے۔
*عمران خان کی آمد سے قبل ڈی پی او جہلم عبدالغفار قیصرانی اور اعلی پولیس افسران نے جلسہ گاہ اور روٹ کا دورہ کیا۔
*سکیورٹی کیلئے جہلم پولیس اور پنجاب کانسٹیبلری سے بھاری نفری طلب کی گئی تھی۔
*پاکستان تحریک انصاف یوتھ ونگ کے نوجوانوں کی بڑی تعداد موٹر سائیکل ریلیوں کی صورت پارٹی پرچم اٹھائے استقبال کیلئے لدھڑ ہاؤس پنڈال کے اردگرد گھومتی رہی۔
*تحریک انصاف کے دیگر جلسوں کی طرح لدھڑ میں منعقد ہونے والے ورکر کنونشن میں خواتین کی کثیر تعداد موجود تھی ۔
*ماہ محرم کے چاند نظر آنے کے امکان کے پیش نظر مغرب سے قبل پی ٹی آئی نے ورکرکنونشن ختم کر دیا گیا۔
*عمران خان نے 2 گھنٹے سے زائد وقت لدھڑ میں گزار ا۔
*جلسہ گاہ کے چاروں طرف پولیس کی بھاری نفری تعینات تھی جس کی نگرانی ڈی پی او جہلم عبدالغفار قیصرانی خود کرتے رہے۔

x

Check Also

اپنے وعدے کے مطابق حلقہ این اے 63 میں تمام سہولیات فراہم کروں گا۔ایم این اے نواب زادہ مطلوب مہدی

جہلم(راجہ نو بہار خان)حلقہ این اے 63 کی تعمیر و ترقی اور خوشحالی میری اولین ...

Powered by Dragonballsuper Youtube Download animeshow