دینہ کے قریب ٹریفک کا المناک حادثہ ،تیز رفتار مزدہ ٹرک پُل سے نیچے جا گرا ،ایک شخص موقع پر جاں بحق

دینہ ( امجدسیٹھی) دینہ کے قریب ٹریفک کا المناک حادثہ ،تیز رفتار مزدہ ٹرک پُل سے نیچے جا گرا ،ایک شخص موقع پر جاں بحق جبکہ دوسرا شدید زخمی ،اطلاع ملتے ہی ریسکیو 1122نے موقع پر پہنچ کر زخمی کو ہسپتال منتقل کیا ،حادثہ میں مزدہ مکمل طور پر تباہ ہو گیا ۔تفصیلات کے مطابق گزشتہ روز صبح سویرے ڈومیلی موڑ کے قریب راولپنڈی کی طرف جاتے ہوئے تیز رفتار مزدہ ٹرک بے قابو ہو کر پُل سے نیچے جاگرا جس سے مزدہ ٹرک میں سوار محمد ارشاد عمر 90سال موقع پر ہی جاں بحق ہو گیاجبکہ دوسرا ساتھی شدید زخمی ہو گیا ،اطلاع ملتے ہی ریسکیو 1122موقع پر پہنچ گئی اور زخمی ہو فوری طور پر ہسپتال منتقل کیا ،حادثہ میں مزدہ ٹرک مکمل طور پر تباہ ہو گیا ۔یاد رہے کہ آئے روز دینہ جی ٹی روڈ پر حادثات معمول بن چکے ہیں جس کی وجہ سے کئی افراد جان سے ہاتھ دھو بیٹھے ہیں مگر حادثات کی روک تھام کے لئے کوئی اقدامات نہیں کیئے جا رہے ۔

x

Check Also

سی پی ڈی آئی نے بلوچستان مالیاتی کمیشن کے قیام میں تاخیر پر تشویش کا اظہار کردیا

جہلم (راجہ نو بہار خان )سی پی ڈی آئی نے بلوچستان مالیاتی کمیشن کے قیام ...

Powered by Dragonballsuper Youtube Download animeshow