تھانہ منگلا کے علاقہ چک اکا میں فائرنگ سے نوجوان ہلاک ،بھائی نے وقوعہ میں زخمی دوست کو ملوث قراردے دیا

تھانہ منگلا کے علاقہ چک اکا میں فائرنگ سے نوجوان ہلاک ،بھائی نے وقوعہ میں زخمی دوست کو ملوث قراردے دیا

جہلم(شہبازبٹ) تھانہ منگلا کے علاقہ چک اکا میں فائرنگ سے نوجوان ہلاک ،،گھر سے بلا کر لیجانے والا دوست ٹانگ پر فائر لگنے سے زخمی ، مقتول کے بھائی کی درخواست پر More »

محکمہ ڈاک میں انفرادی قوت کی ممکنہ کمی ملازمین نے ریٹائر منٹ لینے کا فیصلہ کر لیا

محکمہ ڈاک میں انفرادی قوت کی ممکنہ کمی ملازمین نے ریٹائر منٹ لینے کا فیصلہ کر لیا

جہلم( چوہدری عابد محمود +سید اکرم حسین شاہ) محکمہ ڈاک میں انفرادی قوت کی ممکنہ کمی ملازمین نے ریٹائر منٹ لینے کا فیصلہ کر لیا۔ سہولتوں کی عدم فراہمی اور بڑھتے ہوئے More »

جہلم محکمہ صحت کے افسران کی مبینہ غفلت کے باعث جہلم شہر و گردونواح میں غیر معیاری اشیاء کی فروخت جاری

جہلم محکمہ صحت کے افسران کی مبینہ غفلت کے باعث جہلم شہر و گردونواح میں غیر معیاری اشیاء کی فروخت جاری

جہلم( چوہدری عابد محمود +سیدمظہر عباس) جہلم محکمہ صحت کے افسران کی مبینہ غفلت کے باعث جہلم شہر و گردونواح میں غیر معیاری مضر صحت ملک شیک اور جوس کی کھلے عام More »

پنجاب پولیس کے سپاہی قلیل تنخواہ پرکام کرنے پر مجبور،مہنگائی کے دورمیں چوبیس ہزارروپے تنخواہ

پنجاب پولیس کے سپاہی قلیل تنخواہ پرکام کرنے پر مجبور،مہنگائی کے دورمیں چوبیس ہزارروپے تنخواہ

جہلم( چوہدری عابد محمود +مرزا قدیر بیگ) جرائم پیشہ عناصر ،دہشت گردوں کیخلاف جنگ لڑنے والے شہریوں کے جان ومال کے محافظ، ارباب اختیار کے روٹ پر دھوپ بارش میں کھلے آسمان More »

جہلم شہر کی سڑکوں پر نصب سٹریٹ لائٹس عرصہ دراز سے خراب

جہلم شہر کی سڑکوں پر نصب سٹریٹ لائٹس عرصہ دراز سے خراب

جہلم( چوہدری عابد محمود +عمیر احمد راجہ) جہلم شہر کی سڑکوں پر نصب سٹریٹ لائٹس عرصہ دراز سے خراب۔لائٹس کی جگہ پرندوں نے گھونسلے بنا لئے۔ شہر کے گنجان آباد علاقے تاریکی More »

جہلم جنرل بس اسٹینڈ ، ریلو ے اسٹیشن سمیت درجنوں حساس مقامات پر سیکیورٹی انتظامات ناقص

جہلم جنرل بس اسٹینڈ ، ریلو ے اسٹیشن سمیت درجنوں حساس مقامات پر سیکیورٹی انتظامات ناقص

جہلم( چوہدری عابد محمود +عامر کیانی) جہلم جنرل بس اسٹینڈ ، ریلو ے اسٹیشن سمیت درجنوں حساس مقامات پر سیکیورٹی انتظامات ناقص۔اہم مقامات پر پولیس نفری ،واک تھرو گیٹ اور سی سی More »

ڈسٹر کٹ پولیس آفیسر جہلم کی ہدایت پر ضلع جہلم پولیس کی جرائم پیشہ عناصر کے خلاف کاروائیاں

ڈسٹر کٹ پولیس آفیسر جہلم کی ہدایت پر ضلع جہلم پولیس کی جرائم پیشہ عناصر کے خلاف کاروائیاں

جہلم( چوہدری عابد محمود +افتخار الحق) ڈسٹر کٹ پولیس آفیسر جہلم کی ہدایت پر ضلع جہلم پولیس کی جرائم پیشہ عناصر کے خلاف کاروائیاں۔10لیٹر شراب،2عدد پسٹل 30بور،1عدد 12بور رائفل اور 7روند برآمد۔ More »

پچیس فروری دن دس بجے حضرت شاہ نصیر الدین بریلوی کا 41 واں عرس مبارک منایاجائے گا

پچیس فروری دن دس بجے حضرت شاہ نصیر الدین بریلوی کا 41 واں عرس مبارک منایاجائے گا

جہلم( چوہدری عابد محمود +نذیر احمد نورانی) پچیس فروری دن دس بجے حضرت شاہ نصیر الدین بریلوی کا 41 واں عرس مبارک بمقام ریلوے اسٹیشن حناپور نزد چک جمال جہلم زیر سرپرستی More »

معصوم لوگوں کا خون بہا کرنے والے پرامن اور مستحکم پاکستان سے خوش نہیں ۔ ایم این اے نواب زادہ مطلوب مہدی

معصوم لوگوں کا خون بہا کرنے والے پرامن اور مستحکم پاکستان سے خوش نہیں ۔ ایم این اے نواب زادہ مطلوب مہدی

جہلم(راجہ نو بہار خان)پاکستان کے امن کو تباہ کرنے اور معصوم لوگوں کا خون بہا کرنے والے پرامن اور مستحکم پاکستان سے خوش نہیں ،دہشت گردی پر قابو پانے کے لئے مسلم More »

راجہ حسن جاوید ڈی ایس پی صدر جہلم کی محکمہ اوقاف ،متولیوں ،منتظمین ،اور گدی نشین حضرات سے میٹنگ

راجہ حسن جاوید ڈی ایس پی صدر جہلم کی محکمہ اوقاف ،متولیوں ،منتظمین ،اور گدی نشین حضرات سے میٹنگ

جہلم(راجہ نو بہار خان)راجہ حسن جاوید ڈی ایس پی صدر جہلم کی محکمہ اوقاف ،متولیوں ،منتظمین ،اور گدی نشین حضرات سے میٹنگ۔تفصیلات کے مطابق ڈی ایس پی صدر جہلم راجہ حسن جاوید More »

 

Category Archives: ضلع جہلم کی خبریں

تھانہ منگلا کے علاقہ چک اکا میں فائرنگ سے نوجوان ہلاک ،بھائی نے وقوعہ میں زخمی دوست کو ملوث قراردے دیا

جہلم(شہبازبٹ) تھانہ منگلا کے علاقہ چک اکا میں فائرنگ سے نوجوان ہلاک ،،گھر سے بلا کر لیجانے والا دوست ٹانگ پر فائر لگنے سے زخمی ، مقتول کے بھائی کی درخواست پر مقدمہ درج ،، ایف آئی آر میں مقتول کا مضروب دوست بھی شامل ،، پولیس نے تفتیش شروع کر دی ۔ تفصیلات کے مطابق چک اکا کے رہائشی محمد تجمل نے پولیس کو بتایا کہ گزشتہ رات اپنے گھر میں اہل خانہ کے ہمراہ موجود تھا کہ گھنٹی بجی میں نے دروازہ کھول کر دیکھا تو باہر میرے میرے بھائی اکمل کا دوست رضوان اقبال عرف عرف رضی بٹ کھڑا تھا جس نے مجھ سے اکمل کے بارے میں پوچھا اس دوران میرے بھائی اکمل نے بیٹھک کا دروازہ کھولا اور باہر آگیا ، بیس پچیس منٹ گزرنے کے بعد دوبارہ گیٹ پر دستک ہوئی میں باہر گیا تو دیکھا کہ میرے بھائی کا دوست رضوان عرف رضی بٹ زخمی حالت میں کھڑا تھا جس نے بتایا کہ اکمل کو کسی نے پیچھے سے فائر کر کے زخمی کر دیا ہے جو راستہ میں گر گیا ہے جب کہ میں نے فائرنگ کرنے والے نامعلوم شخص کو پکڑنے کی کوشش کی تو فائر کر کے مجھے بھی مضروب کر دیا ہے ، فائرنگ کی آواز سن کر اہل محلہ باہر آگئے میں نے طلعت نسیم اور مسعود اختر کے ہمراہ قبرستان کی جانب جا کر دیکھا تو میرا بھائی اکمل خون میں لت پت پڑا تھا جس کے سر سے خون بہہ رہا تھا ، ہم اکمل کو زخمی حالت میں ڈسٹرکٹ ہیڈ کوارٹر ہسپتال جہلم لے کر آرہے تھے جو راستہ میں زخموں کی تاب نہ لاتے ہوئے جاں بحق ہو گیا ، مقتول کے بھائی نے موقف اختیار کیا کہ مجھے قوی شبہ ہے کہ میرے بھائی کا دوست رضی بٹ قتل کی واردات میں خود ملوث ہے ، تھانہ منگلا پولیس نے مقدمہ درج کر کے تفتیش شروع کر دی ہے ۔

محکمہ ڈاک میں انفرادی قوت کی ممکنہ کمی ملازمین نے ریٹائر منٹ لینے کا فیصلہ کر لیا

جہلم( چوہدری عابد محمود +سید اکرم حسین شاہ) محکمہ ڈاک میں انفرادی قوت کی ممکنہ کمی ملازمین نے ریٹائر منٹ لینے کا فیصلہ کر لیا۔ سہولتوں کی عدم فراہمی اور بڑھتے ہوئے سرکاری امور کی وجہ سے محکمہ ڈاک سے قبل از وقت ریٹائرمنٹ کے خواہش مند ملازمین کی درخواستوں پر افسران نے افرادی قوت کی ممکنہ کمی کے پیش نظر اعتراضات لگانا شروع کر دئیے ۔محکمہ پوسٹ کے ذرائع کے مطابق تقریباً20 سال سے محکمہ ڈاک میں سرکاری ملازمین کی بھرتی نہ ہونے سے متعدد ملازمین کے ریٹائر ہونے پرمضافاتی علاقوں کے ڈاک خانے بند ہونا شروع ہو گئے ہیں جبکہ افسران نے ماتحت ملازمین سے 2/3 ملازمین کا کام لینا شروع کر رکھا ہے ، سرکاری امور کا بڑھتا ہوا بوجھ اور محکمہ پوسٹ کی جانب سے سہولتیں نہ دینے پر 25 سال سروس پوری کرنے والے درجنوں ملازمین نے ریٹائرمنٹ لینے کے لئے اعلیٰ افسران کو درخواستیں دینا شروع کر رکھی ہیں اس حوالے سے محکمہ ڈاک کے ملازمین کاکہنا ہے کہ کام کا بوجھ بڑھ گیا ہے جبکہ محکمہ ڈاک نئے ملازمین کو بھرتی نہیں کررہا جس کی وجہ سے زمہ داری میں غیر معمولی اضافہ ہو گیا ہے ۔

جہلم محکمہ صحت کے افسران کی مبینہ غفلت کے باعث جہلم شہر و گردونواح میں غیر معیاری اشیاء کی فروخت جاری

جہلم( چوہدری عابد محمود +سیدمظہر عباس) جہلم محکمہ صحت کے افسران کی مبینہ غفلت کے باعث جہلم شہر و گردونواح میں غیر معیاری مضر صحت ملک شیک اور جوس کی کھلے عام فروخت کا سلسلہ جاری ، شہریوں کو مہنگے داموں مختلف گلے سڑے پھلوں اور مضر صحت اشیاء کی ملاوٹ کے زریعے ملک شیک اور جوس فروخت کرنے والوں کے خلاف کسی بھی قسم کی کارروائی نہ ہونا سوالیہ نشان بن گیا ، تفصیلات کے مطابق جہلم محکمہ صحت کے افسران واہلکاروں کی عدم دلچسپی کے باعث بااثر دکاندار وں نے شہر کے گنجان آباد علاقوں میں ملک شیک اور جوس فروخت کرنے کی دکانیں سجا رکھی ہیں ، جہاں مضافاتی علاقوں سے آنے والے سادہ لوح شہریوں کو مضر صحت جوس اور ملک شیک فروخت کرکے بھاری معاوضہ وصول کر لیا جاتا ہے ۔ شاندار چوک، تحصیل روڈ، سول ہسپتال روڈ، محمدی چوک، قبرستان چوک ، روہتاس روڈ، بلال ٹاؤن، جادہ ، کالا گجراں ، سمیت شہر کے مختلف گنجان آباد علاقوں میں ناقص و غیر معیاری جوس فروخت کرنے والے بااثر دکانداروں نے سڑکوں پر دکانیں سجا رکھی ہیں ضلعی افسران سب کچھ جاننے کے باوجود خاموش تماشائی کا کردار ادا کررہے ہیں۔ متعلقہ افسران و اہلکاروں کی عدم دلچسپی کے باعث کھلے عام مضر صحت غیر معیاری ملک شیک اور جوس کی فروخت جاری ہے معلوم ہوا ہے کہ جوس کارنرز مالکان مبینہ طور پر زائد المعیاد دودھ بھی ملک شیک میں ڈال کر مہنگے داموں فروخت کررہے ہیںِ جبکہ یہ بھی معلوم ہوا ہے کہ محکمہ صحت کے افسران و دیگر عملہ مبینہ طور پر کھلے عام ان زہر فروخت کرنے والوں کے خلاف کارروائی کرنے کی بجائے پشت پناہی میں مصروف عمل ہے۔ شہریوں نے ڈپٹی کمشنر جہلم سے نوٹس لینے کا مطالبہ کیاہے۔

پنجاب پولیس کے سپاہی قلیل تنخواہ پرکام کرنے پر مجبور،مہنگائی کے دورمیں چوبیس ہزارروپے تنخواہ

جہلم( چوہدری عابد محمود +مرزا قدیر بیگ) جرائم پیشہ عناصر ،دہشت گردوں کیخلاف جنگ لڑنے والے شہریوں کے جان ومال کے محافظ، ارباب اختیار کے روٹ پر دھوپ بارش میں کھلے آسمان تلے ڈیوٹیاں دینے والے پنجاب پولیس کے سپاہی ( کانسٹیبل) کو ماہانہ صرف24ہزا رروپے تنخواہ دیئے جانے کا انکشاف ، صوبائی حکومت بغیر چھٹی اور24گھنٹے ڈیوٹیاں دینے والے پولیس اہلکاروں کے مورال کو ہائی دیکھنے کے خواہش مند پولیس کانسٹیبل سے سب انسپکٹر تک کی کم تنخواہوں نے معاشرے میں کرپشن کو رواج دیدیاہے ۔پولیس کانسٹیبل کے لئے سرکاری رہائش ، بچوں کی تعلیم ، صحت کی سہولتیں بھی میسرنہیں ، تفصیلات کے مطابق جہلم سمیت صوبہ بھر کے 36 اضلاع میں چوری، ڈکیتی ، بلوہ ، اغواء ، اغواء برائے تاوان، جلسے ، جلوس، ہنگامے ، وی آئی پی کی ڈیو ٹیاں ، سرکاری اداروں، عمارتوں کی حفاظت کیلئے جہلم سمیت پنجاب بھر میں تقریباً 1 لاکھ کے لگ بھگ پولیس کانسٹیبل ڈیو ٹیاں سر انجام دے رہے ہیں جبکہ ہیڈ کانسٹیبل ، اے ایس آئی اور سب انسپکٹر کو ملا کر یہ تعداد سوا لاکھ سے تجاوز کر جاتی ہے ، پنجاب میں امن و امان کا کو ئی بھی مسئلہ ہو یہی پولیس فرنٹ لائن پر موجود ہو تی ہے ،صحافیوں کو پولیس ذرائع سے ملنے والے اعدادوشمار کے مطابق پولیس کانسٹیبل کی تنخواہ18سے25ہزار کے درمیان ہے، ہیڈ کانسٹیبل کی 27سے 30ہزار روپے ماہانہ، اے ایس آئی کی تنخواہ 30سے 35ہزار، جبکہ سب انسپکٹر کی تنخواہ35 ہزار سے 40 ہزار ہے تاہم سنیارٹی کے باعث تنخواہوں میں 1 سے 3 ہزار کا اضافہ ہو سکتا ہے۔ تنخواہوں کے اس معیار کو دیکھا جائے اور موازنہ کیا جائے کہ جس سب انسپکٹر نے قتل کیس کی تفتیش کر نی ہے اسے صرف 1 ہزار روپے روزانہ معاوضہ ملتا ہے جبکہ جو پولیس کانسٹیبل جرائم پیشہ عناصر کے سامنے سینہ تان کر دہشت گردی یا جرائم پیشہ افراد کی گولی کو روکنے کے لئے کھڑا فرائض منصبی ادا کر رہا ہوتا ہے اسے روزانہ800 روپے کے حساب سے تنخواہ دی جارہی ہے جبکہ ایک دیہاڑی دار مزدور کی مزدوری یو میہ1 ہزار روپے ہے اور ڈیوٹی 8 گھنٹے۔ پولیس اہلکاروں نے اس حوالے سے بتایا کہ اس تنخواہ میں 1 آدمی کا گزارانہیں ہو سکتا اس میں پورا گھرانہ کس طرح زندگی گزار سکتا ہے ، اس صورتحال میں ہمیں ایمانداری کا میٹھا سبق سننے کو ملتا ہے اور کہا جاتا ہے کہ کرپشن کا خاتمہ ہماری اولین ترجیح ہے ۔ ، اس صورتحال کو دیکھتے ہو ئے ضرورت اس امر کی ہے کہ بجٹ میں پولیس کی تنخواہوں کو ری شیڈول کیا جائے اور پولیس ملازمین کی ضروریات کو مد نظر رکھتے ہوئے تنخواہوں میں مناسب اضافہ کیا جائے تاکہ پولیس ملازمین اپنے گھروالوں کی بہتر طریقے سے کفالت کر سکیں اور کرپشن کا خاتمہ ممکن ہو سکے۔

جہلم شہر کی سڑکوں پر نصب سٹریٹ لائٹس عرصہ دراز سے خراب

جہلم( چوہدری عابد محمود +عمیر احمد راجہ) جہلم شہر کی سڑکوں پر نصب سٹریٹ لائٹس عرصہ دراز سے خراب۔لائٹس کی جگہ پرندوں نے گھونسلے بنا لئے۔ شہر کے گنجان آباد علاقے تاریکی میں ڈوب گئے۔مسجدوں، بازاروں، گلی محلوں میں آنے جانے والے بزرگوں ، خواتین ،بچوں کو رات کی تاریکی میں آمدورفت جاری رکھا مشکل ہوگا۔ متعددبزرگ شہری گھپ اندھیرے کے باعث گڑھوں میں گر کر زخمی ہونے لگے ۔ میونسپل کمیٹی جہلم کی انتظامیہ نے چپ سادھ لی۔ لاکھوں روپے سٹریٹ لائٹس کا بجٹ چھو منتر۔ شہریوں نے ڈپٹی کمشنر جہلم سے نوٹس لینے کا مطالبہ کر دیا۔ تفصیلات کے مطابق جہلم شہر و گردونواح کے علاقوں میں عرصہ دراز سے سٹریٹ لائٹس ٹوٹ پھوٹ کا شکار ہیں جبکہ اندرون شہر کے گنجان آباد علاقوں میں میونسپل کمیٹی کے شعبہ الیکٹرک کے ذمہ داران کی عدم دلچسپی کے باعث سٹریٹ لائٹس مرمت ہونے کے بجائے کھمبوں پر لٹک رہی ہیں جبکہ متعدد جگہوں پر پرندوں نے مستقل بنیادوں پر گھونسلے قائم کر لئے ہیں ۔ شہریوں نے اس حوالے سے گفتگو کرتے ہوئے مقامی اخبار نویسوں کو بتایا کہ ایم سی جہلم روزانہ کی بنیاد پر ٹیکس کی مد میں لاکھوں روپے جمع کر رہی ہے اور ہر سال بجٹ میں سٹریٹ لائٹس کے نام پر لاکھوں روپے کے فنڈز مختص کئے جاتے ہیں ، جسے انتہائی مہارت کے ساتھ کاغذی کارروائی کرتے ہوئے غائب کر دیا جاتا ہے ، جبکہ شہر کے گلی محلوں میں پچھلے کئی سالوں سے اندھیروں کا راج ہے شہریوں نے ڈپٹی کمشنر جہلم سے مطالبہ کیا ہے کہ میونسپل کمیٹی جہلم کے شعبہ الیکٹرک کا آڈٹ کروایا جائے مالی خردبرد میں ملوث افسران و اہلکاروں کے خلاف قانون کے مطابق کارروائی کی جائے اور شعبہ الیکٹرک میں فرض شناس ایماندار عملے کو بھرتی کیا جائے تاکہ شہر کے گلی محلوں میں نصب سٹریٹ لائٹس کو چالو کیا جا سکے ۔

جہلم جنرل بس اسٹینڈ ، ریلو ے اسٹیشن سمیت درجنوں حساس مقامات پر سیکیورٹی انتظامات ناقص

جہلم( چوہدری عابد محمود +عامر کیانی) جہلم جنرل بس اسٹینڈ ، ریلو ے اسٹیشن سمیت درجنوں حساس مقامات پر سیکیورٹی انتظامات ناقص۔اہم مقامات پر پولیس نفری ،واک تھرو گیٹ اور سی سی ٹی وی کیمرے بھی نصب نہیں ہیں۔ جبکہ ان مقامات میں داخل ہونے والے شہریوں کی چیکنگ بھی نہیں کی جاتی۔جہلم پریس کلب کے صحافیوں کی طرف سے کئے جانے والے سروے میں یہ بات سامنے آئی ہے کہ قانون نافذ کرنے والے اداروں کی طرف سے ڈھیل کے باعث جنرل بس اسٹینڈ ، ریلوے اسٹیشن ، ویگن اسٹینڈبالمقابل پولیس پٹرول پمپ، جبکہ درگاہ سلیمان پارس، بابا کرم شاہ بخاری ، دربار میراں پاک ، دربار پیر شہاب،پیر ہرا، سمیت سرکاری اداروں ، نجی و سرکاری سکول و کالجز میں واک تھرو گیٹ اور ناقص سیکورٹی انتظامات ہونے کیوجہ سے شہریوں کے سروں پر خطرات کے سائے منڈلاتے نظر آرہے ہیں ۔ جبکہ جنرل بس اسٹینڈ ،ریلوے اسٹیشن اور درگاہوں میں داخل ہونے والے کسی بھی شخص کو چیک کرنے سمیت واک تھرو گیٹ نصب نہ ہیں او ر نہ ہی سی سی ٹی وی کیمرے نصب کئے گئے ہیں اس طرح مذکورہ مقامات پر مانیٹرنگ روم بھی قائم نہ ہیں اور نہ ہی ان اداروں کے ملازمین کے پاس میٹل ڈیٹکڑ موجود ہیں۔ تاہم سب سے زیادہ حساس مقام جنرل بس اسٹینڈ اور ریلوے اسٹیشن ہے جنر ل بس اسٹینڈ کے متعددداخلی راستے موجود ہیں جہاں پر واک تھرو گیٹ سمیت کسی قسم کی چیکنگ نام کی کوئی چیز موجود نہیں ہے اور نہ ہی مانیٹرنگ روم اور سیکورٹی گارڈ وغیرہ موجود ہیں۔ جس کی وجہ سے ان عوامی مقامات پر شہریوں کی زندگیاں داؤ پر لگی ہوئی ہیں ۔ شہریوں نے ڈسٹرکٹ پولیس آفیسر جہلم ، ڈپٹی کمشنر جہلم سے مطالبہ کیا ہے کہ عوامی مقامات پر سیکورٹی انتظامات مکمل کروائے جائیں تاکہ شہریوں کی زندگیاں محفوظ رہ سکیں ۔

ڈسٹر کٹ پولیس آفیسر جہلم کی ہدایت پر ضلع جہلم پولیس کی جرائم پیشہ عناصر کے خلاف کاروائیاں

جہلم( چوہدری عابد محمود +افتخار الحق) ڈسٹر کٹ پولیس آفیسر جہلم کی ہدایت پر ضلع جہلم پولیس کی جرائم پیشہ عناصر کے خلاف کاروائیاں۔10لیٹر شراب،2عدد پسٹل 30بور،1عدد 12بور رائفل اور 7روند برآمد۔ مختلف تھانوں میں مقدمات درج۔ 15ملزمان گرفتار۔تفصیلات کے مطابق ڈسٹر کٹ پولیس آفیسر جہلم حسن اسد علو ی کی ہدایات پرضلع جہلم کے مختلف تھانوں کے تفتیشی افسران نے کارروائی کرتے ہوئے متعدد ملزمان کو گرفتار جبکہ منشیات اور ناجائز اسلحہ برآمد کر کے مقدمات درج کر لئے تھانہ دینہ کے محمد سجاد اے ایس آئی نے مجاہد ولد بوٹا سکنہ ضلع حافظ آباد ،سجاد ولدیوسف سکنہ منگلا روڈ ڈینہ کوکرایہ داری ایکٹ کی خلاف ورزی تھانہ پنڈ دادنخان کے امجد علی اے ایس آئی نے اعجاز ولد نواز سکنہ چک نمبر61سرگودھا ،ثمر ولد سیلم سکنہ چک نمبر18ضلع سرگودھا،امتیاز حسین اے ایس آئی نے پیر محمد ولد امین سکنہ فضل کلے ضلع مردان زاہد سلطان ولد سلطان کوکرایہ داری ایکٹ کی خلاف ورزی پر تھانہ صدرکے علی اکبر ایس آئی نے خرم شہزاد ولد افضل سکنہ محلہ طارق آباد جہلم سے5لیٹر شراب، محمد نصیر ایس آئی نے حق نواز ولد اسلم سکنہ مخدوم آباد جہلم سے 5لیٹر شراب تھانہ چوٹالہ کے نعیم اقبال اے ایس آٗئی نے بشیر ولد یار محمد سکنہ میانہ گوندل ضلع منڈی بہاؤ الدین ،کرامت ولد فضل کریم سکنہ گوڑھا سیلم کو کرایہ داری ایکٹ کی خلاف ورزی پر تھانہ جلالپور شریف کے منظور حسین اے ایس آٗئی نے نواز ولد مقصود سکنہ رکھ بھیڑ ضلع سرگودھا سے پسٹل30بور معہ2روند تھانہ ڈومیلی کے محمد انار اے ایس آئی نے عاصم ولد عزیز خان سکنہ مکان نمبرC40شمالی محلہ جہلم سے پسٹل30بور معہ 2روند،قمر شہزاد اے ایس آٗئی نے شکیل ولد حاکم خان سکنہ پنڈوری سے رائفل 12بور معہ 3روند برآمد کر کے ملزمان گرفتار کر کے مقدمات درج کر لیے۔

پچیس فروری دن دس بجے حضرت شاہ نصیر الدین بریلوی کا 41 واں عرس مبارک منایاجائے گا

جہلم( چوہدری عابد محمود +نذیر احمد نورانی) پچیس فروری دن دس بجے حضرت شاہ نصیر الدین بریلوی کا 41 واں عرس مبارک بمقام ریلوے اسٹیشن حناپور نزد چک جمال جہلم زیر سرپرستی سائیں عبدالرؤف نقشبندی چشتی زیر صدارت پیر سید مقبول حسین شاہ بخاری قادری منعقد ہوگا، تلاوت قاری محمد عارف سلطانی لالہ موسیٰ ثناء خواں ڈاکٹر غلام مصطفی نقیبی محمد سخی جامی حبیب حسین فاروقی ، نعمان چشتی ، فیصل محمود چشتی ، محمد جاوید مبشر حسین قادری خصوصی خطاب پیر سید محبوب حسین شاہ شکریلہ صاحبزادہ پیر محمد طارق مجذوبی خضری کریں گے۔ مہمان خصوصی سید شبیر علی شاہ نقوی لاہور ، ملک محمد آصف فروٹ چاٹ والے ، ڈاکٹر ارشد محمود، محبوب ارشد ، ماسٹر محمد اقبال ، پیر سید صداقت حسین شاہ ، سید نزاکت علی شاہ، نذیر احمد نورانی ،محمد ایاز۔ خصوصی تعاون حضور نعت اکیڈمی سرائے عالمگیر کاہے۔

معصوم لوگوں کا خون بہا کرنے والے پرامن اور مستحکم پاکستان سے خوش نہیں ۔ ایم این اے نواب زادہ مطلوب مہدی

جہلم(راجہ نو بہار خان)پاکستان کے امن کو تباہ کرنے اور معصوم لوگوں کا خون بہا کرنے والے پرامن اور مستحکم پاکستان سے خوش نہیں ،دہشت گردی پر قابو پانے کے لئے مسلم لیگ ن کی حکومت مثبت اقدامات کررہی ہے۔میاں برادران ملک میں جاری دہشت گردی کی لہر کو اپنی قائدانہ صلاحیتوں سے بہت جلد ختم کرنے میں کامیاب ہوجائیں گے ان خیالات کا اظہار ایم این اے نواب زادہ مطلوب مہدی نے میڈیا سے گفتگو کرتے ہوئے کیا۔انہوں نے کہا کہ بے گناہوں کو مارنے والے انسان کہلانے کے لائق نہیں ،اللہ کے ولی کے دربار پر خودکش حملہ دہشت گردوں کی بزدلانہ کاروائی ہے ،دہشت گرد اسلام ،ملک و ملت اور پاکستان کے دشمن ہیں ہمیں بحیثیت قوم دہشت گردی کے خلاف کردار ادا کرنا ہوگا ،مستحکم اور خوشحال پاکستان کا امن و سکو ن برباد کرنے کی کسی کو اجازت نہیں دیں گے۔نواب زادہ مطلوب مہدی نے کہا کہ امن دشمنوں کو پاکستان کی ترقی ہضم نہیں ہورہی جس کی وجہ سے وہ بزدلانہ حرکات پر اتر آئے ہیں ،دہشت گردی کے واقعات کے باعث ملکی فضا سوگوار ہے ،تاہم حکومت اور سیکورٹی فورسز متحد ہوکر دہشت گردوں کو عبرت ناک شکست دینے کے لئے پر عزم ہیں۔انہوں نے مزید کہا کہ ایسے واقعات سے پاکستانی عوام کے حوصلے پست نہیں ہوسکتے ۔مسلم لیگ ن کی حکومت دہشت گردی کے ناسور کو جڑ سے ختم کرنے کے لئے تمام وسائل بروئے کار لارہی ہے۔

راجہ حسن جاوید ڈی ایس پی صدر جہلم کی محکمہ اوقاف ،متولیوں ،منتظمین ،اور گدی نشین حضرات سے میٹنگ

جہلم(راجہ نو بہار خان)راجہ حسن جاوید ڈی ایس پی صدر جہلم کی محکمہ اوقاف ،متولیوں ،منتظمین ،اور گدی نشین حضرات سے میٹنگ۔تفصیلات کے مطابق ڈی ایس پی صدر جہلم راجہ حسن جاوید نے درباروں کی سیکیورٹی کے حوالے سے درباروں کے اہلکاران اوقاف ،متولیوں منتظمین اور گدی نشین حضرات سے پولیس آفس جہلم میں میٹنگ کی جس میں تھانہ چو ٹالہ ،تھانہ دینہ ،دینہ سٹی ،منگلا ،کالا چوکی سمیت سرکل صدر جہلم کے ایس ایچ اوز کے علاوہ کثیر تعداد میں شرکت کی۔شرکاء سے خطاب کرتے ہوئے ڈی ایس پی صدر جہلم نے کہا کہ موجودہ ملکی حالات کے پیش نظر درباروں کی سیکیورٹی کے انتظامات بہتر بنائے جائیں ،ہر مشکوک شخص پر کڑی نظر رکھی جائے اور فوری طور پر متعلقہ تھانے میں اطلاع کی جائے تاکہ بروقت کاروائی عمل میں لائی جاسکے۔سانحہ سہیون شریف ایک فسوسناک واقعہ ہے اور ایسے واقعات سے بچنے کے لئے محکمہ اوقاف سمیت تمام شہری اپنا مثبت کردار ادا کریں تاکہ دہشت گردی جیسے واقعات کی روک تھام کی جاسکے۔

ایم ایس پنڈ دادنخان شاہد بیگ کو نااہلی کی وجہ سے ٹرانسفر کردیا گیا

جہلم(راجہ نو بہار خان)ایم ایس پنڈ دادنخان شاہد بیگ کو نااہلی کی وجہ سے ٹرانسفر کردیا گیا ،عوامی حلقوں میں خوشی کی لہر۔تفصیلات کے مطابق سیکرٹری ہیلتھ علی جان خان نے میڈیکل سپرٹنڈنٹ پنڈ دادنخان شاہد بیگ کو نااہلی کے باعث ٹرانسفر کردیا ہے جس سے عوامی حلقوں میں خوشی کی لہر دوڑ گئی ہے اور عوامی حلقوں نے سیکرٹری ہیلتھ کی اس کاوش کو سراہا ہے۔

پاکستان میں حالیہ دہشت گردی کے واقعات قابل مذمت ہیں ۔ بشارت علی کنول سابق امیدوار برائے کونسلر

جہلم(راجہ نو بہار خان)پاکستان میں حالیہ دہشت گردی کے واقعات قابل مذمت ہیں ،سانحہ لعل شہباز قلندر کی جتنی مذمت کی جائے کم ہے ،ان خیالات کا اظہار بشارت علی کنول سابق امیدوار برائے کونسلر وارڈ نمبر 13 نے میڈیا سے گفتگو کرتے ہوئے کیا۔انہوں نے کہا کہ پاکستان میں دہشت گردی کے یکے بعد دیگرے واقعات لمحہ فکریہ ہیں ،انسانی جانوں کا ضیاع پر جتنی مذمت کی جائے کم ہے۔دہشت گردوں نے ہماری مقدس عبادت گاہوں کو دہشت گردوں نے اپنا ٹارگٹ بنا رکھا ہے جو انسانی جانوں کا خون بہا رہے ہیں ہر سال ہزاروں بے گناہ شہری خود کش دھماکوں میں شہید ہورہے ہیں جبکہ حکومت اس دہشت گردی کے ناسور پر قابو پانے میں ناکام دکھائی دیتی ہے ۔بشارت علی نے کہا کہ دہشت گردوں کا کوئی مذہب نہیں اور انسانی جانوں کا نا حق خون بہانے والے اسلام سے خارج ہیں ایسے دہشت گردوں کو عبر ت ناک سزا دی جانی چاہئے تاکہ وہ دوبارہ ایسی بزدلانہ کاروائیوں سے باز رہیں۔انہوں نے مزید کہا کہ مقدس عبادت گاہوں،پارکوں ،سکولوں کے باہر سیکورٹی کے مناسب اقدامات حکومت کا اولین فرض ہے ۔

Dina Photo 2

سانحہ سیون شریف کی جتنی مذمت کی جائے کم ہے۔سماجی شخصیت ایم اسلم انجم ، ذیشان شانی

دینہ (عرفان محبوب )سانحہ سیون شریف کی جتنی مذمت کی جائے کم ،بے گناہ انسانوں کو نشانہ بنانے والے انسانیت کے دشمن ہیں ،سیون شریف مزار پر دہشتگرد حملہ بزدلا نہ اقدام ہے ،دہشت گردی کے ناسور کو جڑ سے ختم کرنا وقت کی اہم ضرورت ہے ان خیالات کا اظہار معروف سماجی شخصیت ایم اسلم انجم اور ذیشان شانی امیدوار جنرل کونسلر یونین کونسل لد ھڑ نے اپنے مشترکہ اخباری بیان میں کیا ،انہوں نے کہا کہ دہشتگردی کا اسلام اور دین سے کوئی تعلق نہیں ،سیون شریف سخی لال شہباز قلندر کے دربار پر سفاکانہ دہشتگردی کی شدید مذمت کرتے ہیں نیشنل ایکشن پلان پر عمل سے ہی دہشتگردی پر قابو پایا جا سکتا ہے دہشتگردوں کو پوری قوت سے کچل دینا چاہیے عوام افواج پاکستان کے ساتھ کھڑی ہے بیرونی قوتیں پاکستان کو کمزور کرنے کے درپہ ہیں مگر ناکام ہوں گی ملک سے معاشی دہشتگردی اور کرپشن کو فوری طور پر ختم کیا جائے ۔

Dina News 20-2-2017 (1)

یونین کونسل مغل آباد کے صدر چوہدری بشارت حسین جوئیہ کے صاحبزادہ کی دعوت ولیمہ میں سیاسی وسماجی شخصیات کی شرکت

دینہ (عرفان محبوب ) مسلم لیگ (ن) یونین کونسل مغل آباد کے صدر چوہدری بشارت حسین جوئیہ کے صاحبزادہ کی دعوت ولیمہ میں ملک بھر سے سیاسی ،سماجی ،دینی شخصیات کی شرکت ،دعوت ولیمہ بہت بڑے اجتماع کا روپ دھار گیا ،تمام سیاسی پارٹیوں کے قائدیں نے دعوت ولیمہ میں پہنچ کر مبارکبار پیش کی ۔تفصیلات کے مطابق تحصیل دینہ کی یونین کونسل مغل آباد مسلم لیگ (ن) کے صدر اور علاقہ کی مشہور معروف سیاسی و سماجی شخصیت چو ہدری بشارت حسین جوئیہ کے صاحبزادے چوہدری عادل حسین سکنہ جوئیاں کی شادی بخیر و خوبی سے انجام پا گئی گزشتہ روز دعوت ولیمہ کی تقریب بہت بڑے اجتما ع کا روپ دھاڑ گئی اس موقع پر آنے والے معززین مہمان گرامی کو بہترین طریقے سے خوش آمدید کیا گیا ،شادی کی تقریب میں تمام سیاسی پارٹیوں کے قائدین سمیت علاقہ بھر کی عوام نے بھر پور شرکت کی شاندار منعقدہ تقریب میں علاقہ کی عوام کے آنے سے تقریب کی رونق دو بالا ہو گئی چوہدری نشارت حسین جوئیہ صدر مسلم لیگ (ن) یونین کونسل مغل آباد نے آنے والے معززین کا شکریہ ادا کیا اور کہا کے ہما ری خوشیوں میں شرکت کرنے پر تمام دوست احباب کا مشکور ہوں ۔

Dina Photo 19-2

دینہ جی ٹی روڈ پر تیز رفتار کار نے 65سالہ موٹر سائیکل سوار کو کچل کر ہلاک کر دیا

دینہ (رضوان سیٹھی ) دینہ جی ٹی روڈ پر تیز رفتار کار نے 65سالہ موٹر سائیکل سوار کو کچل کر ہلاک کر دیا ،پولیس نے کار ڈرائیور کو گاڑی سمیت گرفتار کر کے مقدمہ درج کر لیا ۔تفصیلات کے مطابق گزشتہ روز دینہ جی ٹی روڈ ہاکی گراؤنڈ کے سامنے یو ٹرن کے مقام پر لاہور سے راولپنڈی جانے والی کار نمبری LED-8380اور موٹر سائیکل نمبری JMD-7742کے درمیان تصادم جس سے موٹر سائیکل سوار منگتا خان ولد غلام علی ڈھوک حسہ کسیال تحصیل سوہاوہ ضلع جہلم موقع پر ہی جاں بحق ہو گیا اطلاع ملتے ہی پولیس سٹی چوکی دینہ موقع پر پہنچ گئی اور کار ڈرائیور فیصل ولد عبدالغفور سکنہ شوکت ٹاؤن لاہور کو گاڑی سمیت گرفتار کر کے مقدمہ درج کر لیا ۔

Dina Photo 19-2-2017

دینہ کے معروف کاروباری شخصیت ضمیر احمد نقشبندی اور نصیر احمد کے بھائی بابر علی گزشتہ روز رشتہ از دواج میں منسلک ہو گئے

دینہ (رضوان سیٹھی)دینہ کے معروف کاروباری شخصیت ضمیر احمد نقشبندی اور نصیر احمد کے بھائی بابر علی گزشتہ روز رشتہ از دواج میں منسلک ہو گئے ان کی دعوت ولیمہ کی پر وقار تقریب ان کی رہائش گاہ میانہ محلہ دینہ میں منعقد ہوئی جس میں پیر فخر نذیر قاسم موہڑوی آستانہ عالیہ بوڑا جنگل شریف ،میاں محمود ،معروف سیاسی شخصیت چوہدری محمد افضل ،رضوان سیٹھی سمیت علاقہ بھر کی مذہبی ،کاروباری ،سیاسی ،شخصیات کی کثیر تعداد نے شرکت کی ۔

کھیوڑہ ناقص میٹریل اور انتظامیہ کی ملی بھگت سے بننے والا روڈ چند ہفتوں کے بعد ہی کھنڈرات بن گیا

پنڈدادنخان(سلیما ن شہباز +عدنان یو نس )کھیوڑہ ناقص میٹریل اور انتظامیہ کی ملی بھگت سے بننے والا روڈ چند ہفتوں کے بعد ہی کھنڈرات بن گیا انتظامیہ نے ٹھکیدار کو ناقص میٹریل استعمال کرنے اور روڈ کی ناقص تعمیر کرنے اور روڈ بغیر لیول کے تیار کرنے کی کھلی چھٹی دی ہوئی تھی ٹھکیدار نے انتظامیہ کی ملی بھگت سے سرکاری خزانے کو لاکھوں روپے کا چونا لگا یاگیا منتخب نمائندوں کی عدم دلچسپی اعلیٰ حکام روڈ کی ناقص تعمیر کرنے پر ٹھکیدار اور اپنی ڈیوٹی میں غفلت برتنے والے افسران کے خلاف فوری ایکشن لیں ،تفصیلات کے مطابق کھیوڑہ مین روڈ کئی سالوں سے کھنڈرات بنا ہوا ہے مگر بدقسمتی سے ایک کلومیٹر روڈ 84 لاکھ روپے میں بنا اور بننے والے روڈ کی تعمیر میں انتہائی ناقص میٹریل استعمال کیا گیا اور انتظامیہ نے بھی اپنی ڈیوٹی میں غفلت کی اور تعمیر کے دوران ناقص میٹریل اور ناقص تعمیر کرنے پر کوئی چیک اینڈ بیلنس نہیں ہو ا روڈ کی تعمیر کے دوران لیول چیک کرنے کی بھی زحمت نہیں کی اور چند ہفتوں کے بعد ہی بننے والا روڈ کھنڈرات میں تبدیل ہو گیا مگر افسوس کہ انتظامیہ نے روڈ کو کھنڈرات بننے کے بعد بھی ٹھکیدار کے خلاف کوئی ایکشن نہیں لیا ٹھکیدار کے ایگریمنٹ کے مطابق پراجیکٹ مکمل ہونے کے بعد ٹھکیدار چھ ماہ تک ٹوٹ پھوٹ ہونے والے کام کو دوبارہ ٹھیک کرنے کا پابند ہوتا ہے اگر کام میں کوئی پرابلم نہ ہو تو پھر ٹھکیدار انتظامیہ سے اپنی سیکورٹی فیس واپس لے سکتا ہے مگر ابھی چندہفتے ہی گزرے ہیں اور روڈ کھنڈرات میں تبدیل ہو تا جا رہا ہے اعلی حکام روڈ کی ناقص تعمیر کرنے پر ٹھکیدار اور اپنی ڈیوٹی میں غفلت برتنے والے افسران کے خلاف فوری ایکشن لیں اور انتظامیہ کو پابند کیا جائے کہ ٹھکیدار کو سیکورٹی فیس دوبارہ روڈ کی مکمل تعمیر ہونے تک واپس نہ کرنے کا پابند کیاجائے۔

jlm pic

ملک بھر میں دہشت گردی کی نئی لہر سے پوری قوم اضطرابی کیفیت میں مبتلا ہے۔ شہر یار خان آفریدی ، عثمان ڈار، چوہدری فواد حسین

جہلم( محمد شہباز بٹ)ملک بھر میں دہشت گردی کی نئی لہر سے پوری قوم اضطرابی کیفیت میں مبتلا ہے ، دہشت گردی کے واقعات اس بات کی غمازی کرتے ہیں کہ پاکستان کا سب سے بڑا مسئلہ امن و امان کا ہے جس کو سنجیدہ نہیں لیا جا رہا اے پی ایس سانحہ کے بعد جس طرح نیشنل ایکشن پلان بنایا گیا اور کہا گیا کہ 20نقاط پر کام ہو گا لیکن افسوس کہ اس پر اس طرح عمل درآمد نہیں ہوا جس طرح ہونا چاہیے تھا ، وعدوں پر عمل نہیں کیا گیا فوجی عدالتوں کے حوالہ سے بھی مسائل عوام کے سامنے ہیں ، ریاستی دہشت گردی کے خاتمہ کے لیے ضروری ہے کہ ملک سے معاشی دہشت گردی اور کرپشن کو ختم کیا جائے ان کے تانے بانے آپس میں ملتے ہیں لیکن بدقسمتی سے حکومتی وزراء بجلی چوروں کو پکڑنے کی بجائے پانامہ چوروں کی سپریم کورٹ کے باہر ترجمانی کرتے دکھائی دیتے ہیں ، خارجہ پالیسی مکمل طور پر ناکام ہو چکی ہے ، افغانستان حکومت کو صیح طریقے سے سمجھا ہی نہیں پا رہے اور نہ ہی اعتماد میں لے پائے ہیں ، افغانی مہاجریم کو اے پی ایس سانحہ کے بعد واپس بھیج دینا چاہیے تھا لیکن عالمی دباؤ اور تنظیموں کے دباؤ پر وزیر اعظم نواز شریف نے گھٹنے ٹیک دئیے اور افغانی مہاجرین کی واپسی میں تاخیرے حربے استعمال کیے گئے جس کا نقصان ملک و قوم کو ہو رہا ہے ان خیالات کا اظہار پاکستان تحریک انصاف کے ممبر قومی اسمبلی شہر یار خان آفریدی ، راہنماء پی ٹی آئی عثمان ڈار اور مرکزی ترجمان چوہدری فواد حسین نے جہلم پریس کلب آمد کے موقع پر نومنتخب عہدہ داران کو مبارکباد دینے کے بعد صحافیوں سے گفتگو کرتے ہوئے کیا ، پاکستان تحریک انصاف کے ترجمان فواد چوہدری نے کہا کہ لاہور ، درگاہ لال شہباز قلندر اور ملک کے دیگر علاقوں میں خود کشوں حملوں میں شہید ہونے والے افراد کے لواحقین کے غم میں برابر کے شریک ہیں دہشت گردی کی نئی لہر سے پوری قوم پریشانی کے عالم میں مبتلا ہے ، ہم سب کو ملکر موثر حکمت عملی اپنانا ہو گی ، ایم این اے شہریار خان آفریدی نے کہا کہ لاء اینڈ آرڈر پاکستان کا سب سے بڑا مسئلہ ہے لیکن افسوس کہ حکومت وقت نے اسکو سنجیدگی سے نہیں لیا ساری توجہ کرپشن کی طرف ہے امریکہ کی مثال ہمارے سامنے ہے کہ امریکہ نے ہوم لینڈ سیکورٹی پر اتنا پیسہ لگایا اور جب امریکہ کے مفادات کی بات آئی تو انجلینا مورکل کے الزامات کو ٹیلی فون کال تک سنجیدہ نہیں لیا گیا اپنے ملک کے باسیوں کو ترجیجات میں پہلے نمبر پر رکھا ، شہر یار خان آفریدی نے کہا کہ بدقسمتی سے APSواقع کے بعد جو وعدے کیے گئے ، نیشنل ایکشن پلان بنایا گیا اور کہا گیا کہ 20نقاط پر کام ہو گا کچھ بھی نہیں ہوا ، شہر یار آفریدی نے کہا کہ عوام کو جان و مال کے تحفظ کے لیے حکومت کو مجبور کرنا ہو گا ، یہاں صورتحال یہ ہے کہ صحافیوں کو قتل عام کیا جا رہا ہے ، اینکرز اور چینلز مالکان کو سب اچھا کی رپورٹ دینے کے لیے ڈرایا دھمکایا اور پریشرائز کیا جا رہا ہے ہم سب کو بت پرستی کے ماحول سے نکلنا ہوگا ، افغانی مہاجرین کی واپسی کے سوال پر شہریار آفریدی نے کہا کہ اے پی ایس سانحہ کے بعد خیبر پختون خواہ حکومت اور پی ٹی آئی نے کہا تھا کہ افغانی مہاجرین کی واپسی کو یقینی بنایا جائے وفاقی حکومت نے عالمی دباؤ پر گھنٹے ٹیک دئیے فارن پالیسی اس سطح پر چلی گئی ہے کہ ہم افغان حکومت کو سمجھا نہیں سکے 76دہشت گردوں کی لسٹ ہم نے پکڑا دی ہے ، اگر ہندوستان کراس بارڈر ٹیررازم نعرہ لگا سکتا ہے تو وہ کونسی چیز ہے جو ہمیں روکتی ہے ہم نے عالمی سطح پر اپنا کیس کیوں نہیں پیش کیا ، شہر یار آفریدی نے کہا کہ ہمیں چاہیے کہ انٹرنیشنل کمیونٹی اور افغان حکومت کو اعتماد میں لیکر افغانی مہاجرین کو واپس بھیجیں جتنا تاخیر کریں گے اتنا نقصان ہو گا ، پی ٹی آئی کے راہنماء سابق امیدوار قومی اسمبلی عثمان ڈار نے کہا کہ ریاستی دہشت گردی کے خاتمہ کے لیے ضروری ہے کہ معاشی دہشت گردی اور کرپشن پر قابو پایا جائے پاکستان تحریک انصاف کے چیرمین عمران خان اس کے خاتمہ کے لیے جدو جہد کر رہے ہیں انشاء اللہ آنے والے کل میں عمران خان اور پاکستانی قوم کامیاب ہو گی ، انہوں نے کہا خواجہ آصف بجلی چوروں کو پکڑنے کی بجائے پانامہ چوروں کا سپریم کورٹ کے باہر دفاع کرتے دکھائی دیتے ہیں درباری اعلیٰ دھاندلی سے پارلیمنٹ میں پہنچے الیکشن کمیشن آف پاکستان نے خواجہ آصف کے حلقہ میں واضح طور پر آر اوز کے خلاف مقدمات درج کرنے کے لیے کہا اور جب تھیلے کھلے تو ہزاروں ووٹ اور تھیلے غائب تھے جب ایسے لوگ دھاندلی سے پارلیمنٹ میں پہنچتے ہیں تو پھر ملک کیسے ٹھیک ہو سکتا ہے ،، پی ٹی آئی کے راہنماؤں نے کہا کہ پانامہ کیس میں سلمان اکرم راجہ کے دلائل مکمل ہو چکے ہیں ، نیب اور اٹارنی جنرل کے دلائل کے بعد انشاء اللہ اگلے میں پانامہ کیس کا فیصلہ متوقع ہے اور فیصلہ آنے پر پانامہ چوروں کی ترجمانی کرنے والے سپریم کورٹ میں جوتیاں چھوڑ کر بھاگیں گے ، پی ٹی آئی راہنماؤں نے کہا کہ پی ٹی آئی نے نئی سوچ کو جنم دیکر صوبائیت اور لسانیت سے نکل کر پاکستانیت کی بات کی، پوری قوم پانامہ شریفوں کی چوری سمجھ گئی ہے ،، فیصلہ سپریم کورٹ کے ہاتھ میں ہے اب سپریم کورٹ اپنی عزت بچائے گی یا شریفوں کی عزت بچا لے گی۔

ڈھوک رجو میں مرغوں کی لڑائی پر لاکھوں کا جواء ،، تھانہ چوٹالہ پولیس کا چھاپہ ، تین جواری گرفتار

جہلم( محمد شہباز بٹ)ڈھوک رجو میں مرغوں کی لڑائی پر لاکھوں کا جواء ،، تھانہ چوٹالہ پولیس کا چھاپہ ، تین جواری گرفتار کر کے بیس ہزار روپے نقدی ، سات عدد موٹر سائیکل ، دو عدد مرغے اور تین عدد موبائیل فون برآمد کر لیے ، دو ملزمان موقع سے فرار ہونے میں کامیاب ۔ تفصیلات کے مطابق دوران گشت تھانہ چوٹالہ پولیس کو اطلاع ملی کہ ڈھوک رجو میں مرغوں کی لڑائی پر جواء ہو رہا ہے پویس کی بھاری نفری نے ریڈ کیا تو قمار باز پولیس کو دیکھکر بھاگ پڑے ، پولیس نے نعمان منور ولد منو ر حسین سکنہ میانہ چک ، محمد وسیم ولد محمد امین سکنہ نئی آبادی کھرالہ ، ناصر وسیم ولد محمد حنیف سکنہ بھٹیہ کو گرفتار کر کے داؤ پر لگی نقدی 20ہزار ، روپے ، دو عدد مرغے ، سات عدد موٹر سائیکل قبضہ میں لے لیے جب کہ دو ملزمان بوستان اور شفیق عرف ننھا بھاگنے میں کامیاب ہو گئے

jlm pic 3

پولیس کی بھاری نفری اور حساس اداروں کا مختلف علاقوں میں سرچ آپریشن ، سیکڑوں افراد کی جانچ پڑتال

جہلم( محمد شہباز بٹ) پولیس کی بھاری نفری اور حساس اداروں کا مختلف علاقوں میں سرچ آپریشن ، سیکڑوں افراد کی جانچ پڑتال ، سیشن کورٹ کے باہر سے دو ملزمان گرفتار کر لیے ،، دو عدد کلاشنکوفیں اور بھاری مقدار میں گولیاں برآمد، ڈی ایس پی سٹی کی سٹی سرکل میں واقع در باروں کے متولیوں اور منتظمین سے میٹنگ ، ،سیکورٹی انتظامات سخت کرنے کی ہدایات ، ، تفصیلا ت کے مطابق ڈی ایس پی شاہد صدیق کی نگرانی میں پویس کی بھاری نفری نے ڈنگی پلی کے گردونواح میں سرچ آپریشن کیا ، حساس اداروں کے افسران و اہلکار بھی آپریشن میں موجود تھے ، ڈی ایس پی کی نگرانی میں پویس کی بھاری نفری نے سیشن کورٹ کے باہر سے ملزم نذیر احمد سکنہ عظمت پور محلہ گیلانی ٹاؤن منڈی بہاوالدین کو گرفتار کر کے ایک عدد کلاشنکوف ، 170روند اورآٹھ عدد میگزین ، ملزم محمد شہباز سکنہ نجم کالونی نئی آبادی گجرات سے ایک عدد کلاشنکوف 165روند اور آٹھ عدد میگزین برآمد کر کے گرفتار کر لیا ہے، دونوں ملزمان کے خلاف تھانہ سول لائن میں مقدمات درج کر لیے گئے ہیں ، دوران سرچ آپریشن سیکڑوں افراد کی جانچ پڑتال کی گئی ، علاوہ ازیں ڈی ایس پی شاہد صدیق نے سٹی سرکل میں واقع درگاہوں کی سیکورٹی کا معائینہ کیا انہوں نے سٹی سرکل میں واقع درباروں کے متولیوں اور منتظمین سے میٹنگ کر کے سیکورٹی کے انتظامات سخت کرنے کے احکامات جار ی کیے ۔