اخبار

سیاسی و مذہبی قیدیوں کو فوری رہا کیا جائے، امریکہ کا روس سے مطالبہ

محکمہ خارجہ نے روس سے مطالبہ کیا ہے کہ وہ تمام قیدی جنھیں سیاسی یا مذہبی طور پر حراست میں رکھا گیا ہے، اُنھیں فوری طور پر رہا کیا جائے اور اختلاف رائے اور پُرامن مذہبی عقائد رکھنے والوں کو دبانے کے لیے قانونی نظام کا استعمال بند کیا جائے

Read More »

ورلڈ کپ فٹ بال: میکسیکو نے جرمنی کو ہرا کر بڑا اپ سیٹ کر دیا

فیفا فٹ بال ورلڈ کپ کے ایک اہم مقابلے میں میکسیکو نے دفاعی چیمپین جرمنی کو صفر کے مقابلے میں ایک گول سے ہرا کر ٹورنمنٹ کا بڑا اپ سیٹ کر دیا ہے۔ میچ کے دوران میکسیکو کی ٹیم نے مسلسل جارحانہ کھیل کا مظاہرہ کیا ۔ میکسیکو کی ٹیم کی خاصیت جوابی حملوں میں اس کے کھلاڑیوں کی چستی اور برق رفتاری تھی۔ میکسیکو کے لوزانو، ہیویئر  ہرنینڈس اور کارلوس ویلا نے انتہائی مربوط انداز میں ایک دوسرے کو پاس دے کر جارحانہ حملے کرنے کا سلسلہ جاری رکھا اور جرمن ٹیم کے مشہور فارورڈ جوشووا کیمیچ کو مکمل طور پر بے اثر کئے رکھا۔ اگرچہ زیادہ وقت بال جرمن کھلاڑیوں کے پاس رہا، تاہم میکسیکو کے کھلاڑیوں نے حاضر دماغی سے چالیں چلتے ہوئے دفاعی چیمپین کو گھٹنے ٹیکنے پر مجبور کر دیا اور کھیل کے 35 ویں منٹ میں لوزانو نے گول کر کے میکسیکو کو ایک گول کی برتری دلا دی جو آخر تک قائم رہی۔ آج ایک اور اہم میچ میں سوٹزرلینڈ اور برازیل کے درمیان مقابلہ ایک ایک گول سے برابر رہا۔ میچ سے قبل توقع تھی کہ پانچ بار ورلڈ کپ کی فاتح رہنے والی ٹیم برازیل یہ میچ آسانی سے جیت لے گی۔ لیکن سوٹزرلینڈ نے برازیل کو  مزید گول سکور کرنے  کا موقع نہیں دیا۔ اس میچ کے 20 ویں منٹ میں برازیل کے کھلاڑی فلپ کوٹن ہو نے اپنی ٹیم کو برتری دلا دی جو ہاف ٹائم تک برقرار رہی۔ لیکن کھیل کے 50 ویں منٹ میں سوٹزرلینڈ کے کھلاڑی سٹیون زوبر نے ہیڈ کے ذریعے گول کر کے سکور برابر کر دیا۔ فٹبال ورلڈ کپ کا آغاز جمعرات کے روز ماسکو کے لوژنیکی سٹیڈیم میں ہوا اور پہلے میچ میں میزبان ملک روس کی ٹیم نے سعودی عرب کو صفر کے مقابلے میں 5 گول سے ہرا دیا۔ اگلے روز جمعہ کے دن تین میچ کھیلے گئے۔ یوروگوئے نے مصر کو 1-0 اور ایران نے مراکش کو 1-0 ہی کے سکور سے ہرایا جبکہ سپین اور پرتگال کا میچ 3/3 گول سے برابر رہا۔ کل ہفتے کے روز چار میچ کھیلے گئے۔ فرانس نے آسٹریلیا کے خلاف 2-1 سے فتح حاصل کی، آئس لینڈ اور ارجنٹینا کا میچ ایک ایک گول سے برابر رہا، ڈنمارک نے پیرو کو 1-0 سے شکست دی اور کروئشیا نے نائجیریا کو صفر کے مقابلے 2 گول سے ہرا دیا۔ آج اتوار کے روز بھی تین میچ کھیلے گئے۔ پہلے میچ میں سربیا نے کوسٹا ریکا کے خلاف صفر کے مقابلے میں ایک گول سے کامیابی حاصل کی اور دوسرے میچ میں میکسیکو نے دفاعی چیمپین جرمنی کو 1-0 سے ہرا کر بڑا اپ سیٹ کیا۔ آج کا تیسرا میچ برازیل اور سوٹزرلینڈ کے درمیان  ایک ایک گول سے برابر رہا۔ کل پیر کے روز سویڈن کا مقابلہ جنوبی کوریا سے، بیلجیم کا مقابلہ پاناما سے اور تیونس کا مقابلہ انگلینڈ سے ہو گا۔ ورلڈ کپ کا فائنل 15 جولائی کو کھیلا جائے گا۔  

Read More »

افغانستان میں جنگ بندی ہو گی یا نہیں، فیصلہ طالبان کریں گے

افغانستان میں تین دن کی جنگ بندی کے اختتام پر کابل حکومت کی جانب سے اس میں توسیع کے یک طرفہ اعلان اور امن مذاکرات کی پیشکش کو امریکی وزیر خارجہ نے سراہا ہے۔ اطلاعات کے مطابق طالبان نے اس جنگ بندی میں توسیع سے اتفاق نہیں کیاہے۔ لیکن واشنگٹن، کابل اور پاکستان میں تجزیہ کاروں اور ماہرین کا خیال ہے کہ تین دن  کی جنگ بندی سے بہتر ماحول بن گیا ہے جس میں مزید پیش رفت کے امکانات ہیں۔ ممتاز امریکی اسکالر ڈاکٹر مارون وائن بام کا کہنا ہے کہ لوگوں نے جنگ بندی سے کچھ زیادہ ہی توقعات وابستہ کر لی تھیں لیکن طالبان نےشروع ہی سے واضح کردیا  تھا کہ اس بات سے قطع نظر کہ حکومت کیا کہہ رہی ہے یا کررہی ہے، جنگ بندی ہوگی یا نہیں، کب اور کیسے ہو گی، یہ ان کا فیصلہ ہو گا۔ انہوں نے کہا طالبان یہ تاثر چھوڑنا چاہتے ہیں کہ کام ان کے کہنے کے مطابق ہو گا، حکومت کے کہنے کے مطابق نہیں۔ افغان صحافی اور تجزیہ کار انیس الر حمن نے کہا کہ ننگر ہار اور جلال آباد میں کل اور آج کے حملے بتاتے ہیں کہ ایسی قوتیں موجود ہیں جو افغان امن کے عمل کو تباہ کرنا چاہتی ہیں۔ لیکن انہوں نے کہا کہ  اول تو دونوں جانب سے رابطوں کا سلسلہ جاری ہے، دوسرے افغان عوام کا بھی طالبان پر  امن کے لئے دباؤ ہے جسے طالبان کو بہرحال قبول کرنا ہی ہو گا۔ افغان امور کے ایک اور ماہر عقیل یوسفزئی کا بھی یہی کہنا تھا کہ جنگ بندی میں توسیع کے لئے فریقین میں رابطوں کا سلسلہ جاری ہے اور خود طالبان میں بھی دد دھڑے ہیں جن میں سے ایک نرم خو ہے اور دوسرا متشدد ہے اور نرم خو طالبان جو اکثریت میں ہیں امن اور مذاکرات کے حامی ہیں۔ ان کی اطلاعات کے مطابق جلد ہی طالبان کی جانب سے اس سلسلے میں کوئی  اقدامات دیکھنے میں آ سکتے ہیں۔ اس بارے میں ماہرین سے قمر عباس جعفری کی بات چیت کی ریکارڈنگ سننے کیلئے اس لنک پر کلک کریں۔  

Read More »

چندی مل پر ’بال ٹیمپرنگ‘  کا الزام عائد

کرکٹ کی عالمی تنظیم آئی سی سی نے سری لنکن کرکٹ ٹیم کے کپتان دنیش چندی مل پر ’گیند کی شکل تبدیل کرنے‘ کا الزام  عائد کر دیا ہے۔ یہ واقعہ سینٹ لوئس میں ویسٹ انڈیز کے خلاف کھیلے گئے دوسرے ٹیسٹ میچ کے دوران پیش آیا۔ آئی سی سی نے  اتوار کے روز ایک ٹویٹ کے ذریعے یہ خبر دیتے ہوئے کہا ہے کہ مزید تفصیلات بعد میں جاری کی جائیں گی۔ یہ الزام گیند کی شکل جان بوجھ کر  ناجائز طریقے سے تبدیل کرنے  سے متعلق آئی سی سی کی شق 2.2.9 کے تحت عائد کیا گیا ہے۔ اگرچہ اس الزام کے تحت عائد ہونے والی سزا کا ابھی تعین نہیں کیا گیا ہے، سری لنکن کرکٹ بورڈ نے کہا ہے کہ وہ اپنے کسی بھی کھلاڑی کے خلاف ناجائز طور پر عائد کئے جانے والے کسی بھی الزام کا بھرپور دفاع کرے گا۔ بورڈ کے مطابق  ٹیم منیجمنٹ نے  اسے بتایا ہے کہ سری لنکن کھلاڑیوں نے کوئی غلط کام نہیں کیا ہے۔ ویسٹ انڈیز اور سری  لنکا کے درمیان کھیلے جانے والے دوسرے ٹیسٹ کے تیسرے روز میچ ریفری سری ناتھ نے سری لنکن کھلاڑیوں پر بال کی شکل تبدیل کرنے کا الزام لگاتے ہوئے ویسٹ انڈیز کو 5 اضافی رنز دینے کا اعلان کیا تھا۔ اس کے بعد سری لنکن ٹیم کے کپتان چندی مل اور کھلاڑیوں نے احتجاج کے طور پر میدان میں  آنے سے انکار کر دیا تھا۔  تاہم میچ دو گھنٹے کی تاخیر کے بعد  شروع ہو گیا۔ سری لنکن بورڈ کا کہنا ہے کہ سری لنکا  کی ٹیم نے احتجاج کرتے ہوئے کھیل جاری رکھنے کا فیصلہ کیا۔ اطلاعات کے مطابق امپائر علیم ڈار اور ائن گولڈ  نے دوسرے دن کے کھیل کی فوٹیج دیکھ کر بال ٹیمپرنگ کی اطلاع میچ ریفری کو دی تھی اور تیسرے دن کا کھیل شروع ہونے سے دس منٹ پہلے اُنہوں نے سری لنکن کپتان چندی مل کو بتایا کہ وہ  بال تبدیل کر رہے ہیں۔ گزشتہ ماہ آسٹریلیا کے وکٹ کیپر بینکرافٹ پر بھی آئی سی سی کی اسی شق کے تحت الزام عائد کیا گیا تھا جس کے نتیجے میں آسٹریلیا کے تین کھلاڑیوں بینکرافٹ، کپتان سٹیو سمتھ اور نائب کپتان  ڈیوڈ وارنر پر طویل پابندی عائد کر دی گئی تھی۔ اس واقعے کے بعد آئی سی سی نے فیصلہ کیا تھا کہ بال ٹیمپرنگ کے کسی بھی واقعے کے سلسلے میں سزائیں مزید سخت کر دی جائیں گی۔ ویسٹ انڈیز کے خلاف کھیلے جانے والے اس ٹیسٹ میں سری لنکا نے ٹاس جیت کر پہلے بیٹنگ کرتے ہوئے 253 رنز بنائے تھے جس میں کپتان چندی مل کی ناقابل شکست 119 رنز کی اننگ شامل ہے۔ جواب میں ویسٹ انڈیز کی ٹیم 300 رنز بنا کر آؤٹ ہو گئی۔ سری لنکا کی دوسری اننگ جاری ہے۔

Read More »

خواجہ سراؤں کو شناختی کارڈز جاری نا ہونے پر چیف جسٹس کا نوٹس

پاکستان کے چیف جسٹس میاں ثاقب نثار نے خواجہ سرا برداری کے بعض افراد کو قومی شناختی کارڈز مبینہ طور پر جاری نا کرنے کے معاملے کا ازخود نوٹس لیتے ہوئے اس معاملے کی سماعت آئندہ پیر کو لاہور میں کرنے کا کہا ہے۔ چیف جسٹس نے اس معاملے کا نوٹس عید کے موقع پر لاہور میں نفسیاتی امراض کے علاج کے لیے  قائم ایک غیر سرکاری ادارے فاؤنٹین ہاؤس کے دورے کے دوران اس وقت لینے کا کہا جب خواجہ سرا برداری کے بعض افراد کی طرف سے یہ شکایت کی گئی کہ انہیں قومی شناختی کارڈز کے حصول میں مشکلات کا سامنا کرنا پڑ رہا ہے۔ سپریم کورٹ کے طرف سے جاری ہونے والے ایک بیان کے مطابق چیف جسٹس نے اس معاملے پر وضاحت کے لیے متعلقہ سرکاری اداروں کے عہدیداروں کو بھی پیر کو عدالت میں پیش ہونے کے لیے طلب کیا ہے۔ پاکستان کی خواجہ سرا برداری ایک عرصے سے قومی شناختی کارڈز کےحصول کی راہ میں حائل قانونی اور انتظامی مسائل کو اجاگر کرتی آرہی  ہے۔ اگرچہ اس معاملے کو حل کرنے کے لیے قانون سازی کے ساتھ  ساتھ کوائف کے قومی ادارے 'نادارا' نے انتظامی سطح پر بھی کئی اقدامات کیے ہیں تاہم بعض سماجی مسائل کی وجہ سے اب بھی خواجہ سرا برداری کے لیے شناختی کارڈز کا حصول ایک مشکل امر ہے۔ خواجہ سرا برادری کے حقوق کے لیے سرگرم  قمر نسیم نے کہا کہ خواجہ سرا برداری کے لیے شناختی کارڈز کے حصول کی راہ میں سب سے بڑی رکاوٹ مطلوبہ دستاویزا ت کی مجاز حکام سے تصدیق کروانا ہے۔ اتوار کو وائس آف امریکہ سے گفتگو کرتے ہوئے انہوں نے کہا, "جب وہ (خواجہ سرا )ایک نیا شناختی کارڈ بنوانے کے لیے جاتے ہیں تو دیگر افرد کے طرح انہیں بھی  شناختی کارڈز کے لیے درکار دستاویزات کو 17 گریڈ کے افسر یا کسی دوسرے مجاز شخص سے تصدیق کروانا لازمی ہوتا ہے جو کہ خواجہ سراؤں کے لیے ایک مشکل مرحلہ ہوتا ہے کیونکہ ان کے احباب یا جاننے والوں میں کوئی ایسا فرد نہیں ہوتا جو ان کی شناختی دستاویزات کی تصدیق کر سکے۔" پاکستان کے چیف جسٹس نے خواجہ سرا براداری کے افراد کے لیے شناختی کارڈز کے حصول کے معاملے کا نوٹس ایک ایسے وقت لیا ہے جب پاکستان میں متعدد خواجہ سراؤں نے آئندہ ماہ ہونے والے عام انتخابات میں حصہ لینے کا اعلان کیا ہے۔ قمر نسیم نے اس بابت بات کرتے ہوئے کہا, "تقریباً 13 خواجہ سراؤں نے (آزاد حیثیت میں) انتخابات میں حصہ لینے کا اعلان کیا ہے اور میری معلومات کے مطابق ملک بھر میں چھ خواجہ سرا ہیں جن کے کاغذات نامزدگی منظور ہو چکے ہیں۔ لیکن ایک بڑی تعداد میں خواجہ سرا کاغذات نامزدگی کے ساتھ درکار فیس کے زیادہ ہونے کی وجہ سے اپنے کاغذات نامزدگی جمع نا کروا سکے۔" بعض مبصرین نے  خواجہ سراؤں کی طرف سے الیکشن کے عمل میں حصہ لینے کو ایک خوش آئندہ اقدام قرار دیتے ہوئے کہا کہ سیاسی عمل کا حصہ بن کر وہ اپنے حقوق کے لیے سرگرم کردار ادا کر سکیں گے۔ قمر نسیم نے کہا کہ پاکستان میں الیکشن لڑنے کے لیے کثیر مالی وسائل درکار ہوتے ہیں۔ اس وجہ سے ان کے بقول خواجہ سرا برادری کے لیے اپنی انتخابی مہم موثر طور چلانا ممکن نہیں ہو گا۔ اس لیے انہوں نے مطالبہ کیا ہے کہ خواتین اور ملک کے دیگر محروم طبقات کی طرح خواجہ سراؤں کے لیے بھی قانون ساز اداروں میں مخصوص نشستوں کے تحت کوٹہ مقرر کیا جائے۔ حالیہ سالوں میں خواجہ سرا برادری کے حقوق کے تحفظ کے لیے ملک میں ناصرف کئی قوانین وضع کیے گئے بلکہ انہیں درپیش سماجی مشکلات کے ازالے کے لیے حکومت نے انتظامی سطح پر بھی کئی اقدمات کیے گئے ہیں۔  

Read More »

افغان طالبان کا جنگ بندی میں توسیع سے انکار

افغان طالبان نے کہا ہے کہ افغان سکیورٹی فورسز سے تین روزہ جنگ بندی کے خاتمے کے بعد اس میں مزید توسیع نہیں کی جائے گی۔ فرانسیسی خبر رساں ادارے ’اے ایف پی‘ نے طالبان کے ترجمان ذبیع اللہ مجاہد کے حوالے سے کہا ہے کہ جنگ بندی 17 جون کی رات ختم ہو رہی ہے جس کے بعد طالبان کی کارروائیاں شروع ہو جائیں گی۔ ’’اس میں توسیع کا ہمارا کوئی ارادہ نہیں ہے۔‘‘ واضح رہے کہ ہفتہ کو افغان صدر اشرف غنی نے طالبان سے جنگ بندی میں یکطرفہ طور پر توسیع کا اعلان کیا تھا۔ اُدھر افغان طالبان نے مقامی کمانڈروں سے کہا ہے کہ وہ اپنے جنگجوؤں کو اُن علاقوں میں جانے سے روکیں جو کہ حکومت کے زیر کنٹرول ہیں۔ عیدالفطر کے موقع پر طالبان کی طرف سے حکومت کی پیشکش کے جواب میں تین روز کی جنگ بندی کا آغاز کیا گیا تھا۔ لیکن ہفتہ کو مشرقی صوبہ ننگرہار میں عید منانے والے طالبان کے ایک اجتماع کو خودکش بمبار نے نشانہ بنایا جس میں 36 افراد ہلاک اور 60 سے زائد زخمی ہو گئے تھے۔ اس خودکش حملے کے بعد اتوار کو طالبان کے ترجمان ذبیع اللہ مجاہد نے ٹوئٹر پر پیغام میں کہا کہ ننگرہار کے حملے کی طرح کے واقعات سے بچنے کے لیے تمام جنگجوؤں کو حکم دیا جاتا ہے کہ وہ اپنے مقامات اور اپنے زیر کنٹرول علاقوں میں رہیں۔ طالبان کے ترجمان نے کہا کہ ’’دشمن‘‘ نے جنگ بندی کے اہم موقع کا غلط فائدہ اٹھایا اور ایسے واقعات ممکنہ طور پر پھر بھی ہو سکتے ہیں اس لیے جنگجوؤں سے کہا گیا کہ وہ ہجوم اور اجتماعات سے دور رہیں۔ افغانستان میں پاکستان کے سابق سفیر اور تجزیہ کار ایاز وزیر نے وائس آف امریکہ سے گفتگو میں کہا کہ اس عارضی جنگ بندی کی افغانستان میں امن کے لیے کی جانے والی کوششوں میں بہت اہمیت ہے۔ ’’اس سے پہلے طالبان نے کبھی جنگ بندی نہیں حالانکہ اس سے پہلے بھی پیشکش ہوئی تھی۔‘‘ ایاز وزیر نے کہا کہ ننگرہار میں خودکش حملے سے ’’میرے خیال میں دونوں طرف اعتماد کو ٹھیس پہنچی ہو گی۔‘‘ اُدھر افغانستان کے مشترقی صوبے میں ننگرہار میں اتوار کو بھی ایک خودکش حملہ ہوا جس میں کم از کم 10 افراد ہلاک اور 40 سے زائد زخمی ہو گئے۔ ملک میں تین روزہ جنگ بندی کے بعد ننگرہار میں یہ دوسرا خودکش حملہ ہے۔ حکام کے مطابق اتوار کو خودکش دھماکا جلال آباد میں صوبائی گورنرکے دفتر کے قریب ہوا۔

Read More »

اسپین: ڈوبتے بحری جہاز سے 930 غیر قانونی تارکین وطن کو بچا لیا گیا

کوسٹ گارڈ نے بتایا ہے کہ جبرالٹر کی تنگ گزرگاہ سے ربڑ کی کشتیوں کو بچا لیا گیا، جنہیں گہرے پانی میں ہوا بھر کر چھوڑ دیا جاتا ہے، جہاں سے محافظوں کو چار لاشیں ملی ہیں۔ ادھر، فرانس نے اسپین کی جانب سے اکورئس' بحری جہاز پر سوار تارکین وطن میں سے چند سو کو پناہ دینے کی پیش کش قبول کرلی ہے

Read More »

Powered by Dragonballsuper Youtube Download animeshow